| e-texts navigator |
| Wylie |
163b1 སྒྲོགས་དཔེ་ཡིས་མཚོན་ནས་ནི།། གནམ་ཐོག་རྒྱ་མཚོར་བབས་པ་ཇི་ལྟར་བསྟན།། ཆུ་སྲིན་ནོར་བུ་རྒྱ་མདུད་དཔེ་གང་མཚོན།། ཞེས་ཞུས་པ་དང་། དེ་ནས་སྟོན་པས་འཁོར་ལ་བཀའ་སྩལ་པ།། མཁའ་ཀློང་ཕྱོགས
163b2 མེད་ནམ་མཁའི་ཀློང་ཡངས་ནས།། ཀ་དག་སྤྱི་རྗེ་བློ་འདས་འབྲུག་སྒྲོགས་པས།། དངོས་མེད་ཀློང་ནས་སྟོང་གདངས་འབྲུག་སྟོང་ལྡིར།། སྤྱི་ཕུད་དགུ་རྩེ་རྣམ་དག་བློ་འདས་བབས།། འཁོར་བའི་རྒྱ་མཚོ་ཀློང་བཅས
163b3 ཉོན་མོངས་རླབས།། བྱ་རྩལ་ཞེ་འདོད་མེད་པར་ཆུ་སྲིན་མགྲིན་པར་ཆུད།། དགོས་འདོད་ཀུན་འབྱུང་ཡིད་བཞིན་ནོར་བུ་འཆང་།། དངོས་མེད་རྒྱ་ལས་བློ་འདས་འཕྲུལ་གྱི་མདུད།། དུས་གསུམ་མི་འགྱུར་ཐིག་ལེ་ཉག
163b4 གཅིག་རྒྱུད།། ཉོན་མོངས་གཏན་བརླག་གནམ་ཐོག་ཀློང་བབ་རྒྱུད།། དྲག་ལ་མྱུར་བས་རྡུག་མེད་ཐོག་བབས་པས།། ཀ་དག་དངོས་མེད་བློ་འདས་ཡང་གསང་རྒྱུད།། ནམ་མཁའི་དཔེས་བསྟན་སྙིང་པོ་ཆོས་ཉིད
163b5 སྟོན།། ཕྱོགས་མེད་སྟོང་གསལ་གསལ་ལ་དངོས་གཞི་མེད།། འབྲུག་སྒྲོག་དཔེས་མཚོན་མ་བཀག་རྩལ་ཟེར་སྟོན།། སྣང་སྟོང་གྲག་སྟོང་རིག་སྟོང་དབྱིངས་སུ་དངས།། ཡིད་རིག་གར་ཡང་མི་འགྱུ་སྙིང་པོ་མ
163b6 ལ་ཐིམ།། ཐོགས་བཇུག་མེད་པའི་གདམས་པའི་ཐོག་བརྒྱབས་པས།། ཁམས་གསུམ་འགྲོ་དྲུག་ཉོན་མོངས་དུག་ལྔ་བརླག། རྒྱ་མཚོའི་ཀློང་གི་རུས་སྦལ་ནོར་བུ་མདུད།། དགོངས་པ་མི་འགྱུར་གཡོ་འགུལ་མེད་པའི
iiif viewer powered by OpenSeadragon
