| e-texts navigator |
| Wylie |
162a1 འཁོར་ལ་བཀའ་སྩལ་པ།། དངོས་མེད་ཀ་དག་སྟོང་པ་ལ།། ཆོས་རྣམས་མིང་ཡང་ཡོད་མ་ཡིན།། ཆོས་སུ་སྣང་བ་འཁྲུལ་པའི་སེམས།། ཆོས་རྣམས་སེམས་ཀྱི་འཁྲུལ་པ་ཡིན།། བྱར་མེད་བློ་འདས་ཆོས
162a2 རྣམས་མེད།། སེམས་མེད་རིག་མེད་འཛིན་རྟོག་མེད།། སེམས་མེད་ཀ་དག་ཀློང་དུ་གྱུར།། རིག་མེད་དང་དངས་སྟོང་སང་ངོ་།། གསལ་གདངས་ཅིར་ཡང་བརྗོད་དུ་མེད།། ཅེས་གསུངས་སོ།། སེམས་དང་ཆོས་མེད
162a3 པར་བསྟན་པའི་ལེའུ་སྟེ་གསུམ་པའོ།། །། དེ་ནས་དང་དངས་ཁྱེའུ་ཆུང་གིས་ཞུས་པ། སྐུ་དང་ཡེ་ཤེས་ཅི་ལ་ཟེར།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྐུ་དང་ཡེ་ཤེས་བླ་དགས་ཡིན།། ཀ
162a4 དག་ཉིད་ལ་སྐུ་དང་ཡེ་ཤེས་མེད།། ཅེས་གསུངས་སོ།། སྐུ་དང་ཡེ་ཤེས་མེད་པ་བསྟན་པའི་ལེའུ་སྟེ་བཞི་པའོ།། །། ངང་དངས་ཁྱེའུ་ཆུང་གིས་ཞུས་པ།། དུག་ལྔ་སྐུ་ལྔ་ཡོད་དམ་མེད།། མ་རིག་བྱ་བ་ཅི་ལ
162a5 ཟེར།། ཞུས་པས། སྟོན་པས་བཀའ་སྩལ་པ། ཀ་དག་དྲི་མེད་དུག་མེད་པས།། དུག་ལྔ་སྐུ་ལྔ་གཉིས་ཀ་མེད།། འདོད་ཆགས་ཞེ་སྡང་གཏི་མུག་མེད།། ང་རྒྱལ་ཕྲག་དོག་ཀ་ནས་དག། སྐུ་གསུམ་དབྱེར་མེད་སྐུ་ལྔ
162a6 མེད།། ཀ་དག་སྟོང་གསལ་མ་རིག་མེད།། ཅང་མེད་ཡེ་གསལ་ཡེ་ཤེས་མེད།། མ་རིག་ཡེ་ཤེས་རྣམ་གཉིས་ཀྱང་།། ཀ་དག་མ་དག་རྣམ་གཉིས་ལས།། མ་རིག་ཡེ་ཤེས་གྲུབ་པ་མེད།། ཅེས་གསུངས་སོ།། དུག་ལྔ
iiif viewer powered by OpenSeadragon
