| e-texts navigator |
| Wylie |
161b1 འདས་གཉིས་བྱུང་གང་།། མི་གཅིག་འབྲེལ་པ་མེད་ལགས་སམ།། ཞེས་སྟོན་པ་ལ་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སངས་རྒྱས་མེད་པས་སངས་རྒྱས་མིང་ཡང་མེད།། ཀ་དག་ཉིད་ལ་སངས་རྒྱས
161b2 ཡོད་མ་ཡིན།། སེམས་ཅན་བྱ་བ་འགྱུ་སེམས་སྡུག་བསྔལ་ཅན།། དེ་གཉིས་གཞི་ལ་གྲུབ་པ་གང་ཡང་མེད།། མེད་ལས་བྱུང་བས་ངོ་བོར་གཅིག་པ་སྟེ།། ངོ་བོ་གཅིག་ལ་སྣང་ཚུལ་རྣམ་པ་གཉིས།། འཁོར་དང་མྱ་ངན
161b3 འདས་པ་གཉིས་བྱུང་ཡང་།། ཐ་དད་མ་ཡིན་ངོ་བོར་འབྲེལ་པ་ཡིན།། ཞེས་གསུངས་སོ།། ཕུན་སུམ་ཚོགས་པ་དང་གླེང་བསློང་དང་གླེང་གཞིའི་ལེའུ་སྟེ་དང་པོའོ།། །། དེ་ནས་ངང་དངས་ཁྱེའུ་ཆུང་གིས།། ཀ་དག
161b4 ཉིད་ལ་འདི་སྐད་ཞུས།། སེམས་དང་ཆོས་རྣམས་ཡོད་དམ་མེད།། སྐུ་དང་ཡེ་ཤེས་གང་ལ་ཟེར།། དུག་ལྔ་སྐུ་ལྔ་ཡོད་དམ་མེད།། མ་རིག་ཡེ་ཤེས་ཅི་ལ་ཟེར།། འཁོར་བ་མྱང་འདས་ཡོད་དམ་མེད།། སངས་རྒྱས་སེམས
161b5 ཅན་ཅི་ལ་ཟེར།། དགེ་སྡིག་བྱ་བ་ཡོད་དམ་མེད།། མཐོ་རིས་ངན་སོང་ཅི་ལ་ཟེར།། ཆོས་རྣམས་ཉན་བཤད་ཡོད་དམ་མེད།། ཐེག་སྒོ་རབ་འབྱམས་ཅི་ལ་ཟེར།། བག་ཆགས་སྒྲིབ་གཡོགས་ཡོད་དམ་མེད།། ལས་འཕྲོ
161b6 རྣམ་སྨིན་ཅི་ལ་ཟེར།། ཞེས་སྟོན་པ་ལ་ཞུས་སོ།། འཁོར་གྱིས་གླེང་སློང་བའི་ལེའུ་སྟེ་གཉིས་པའོ།། །། དེ་ནས་དང་དངས་ཁྱེའུ་ཆུང་གིས།། ཆོས་དང་སེམས་རིག་ཡོད་དམ་མེད།། ཅེས་ཞུས་པ་དང་། སྟོན་པས
iiif viewer powered by OpenSeadragon
