| e-texts navigator |
| Wylie |
161a1 རྒྱལ་པོ་གཏད།། དམ་ཉམས་ཆོས་འཚོང་སྡིག་པ་ཅན།། སྣོད་མེད་རྣམས་ལ་མ་སྦྱིན་ཅིག། ཅེས་གདམས་སོ།། ཉི་ཟླ་བཀོད་པའི་རྒྱུད་ལས། རྒྱུད་གཏད་པའི་ལེའུ་སྟེ་བཅོ་ལྔ་པའོ།། །། རྒྱུད་ཐམས
161a2 ཅད་ཀྱི་སྤྱི་ཕུད་ཉི་ཟླ་བཀོད་པ་ནམ་མཁའི་མཐའ་དང་མཉམ་པའི་རྒྱུད་རྫོགས་སོ།། ། རྒྱ་གར་གྱི་སློབ་དཔོན་ཆེན་པོ་པད་མ་འབྱུང་གནས་དང་། བོད་ཀྱི་ལོཙྪ་བ་སྐ་བ་དཔལ་བརྩེགས་ཀྱིས་བསྒྱུར་ཞིང་གཏན་ལ
161a3 ཕབ་པའོ།། གཏེར་རྒྱ། སྦས་རྒྱ། གཏད་རྒྱ།། ། རྒྱ་གར་སྐད་དུ།། ག་ག་ན་གརྟྟི་ཏ་ར་བ་ཎ་མཻ་གྷ་ཛྱོ་ཏུ་བེ་ཤོརྨྨི་སྭ་མཱ་ཛ་ས་མཱ་ནྱ་ཛ་ཡ་མུ་དྲ་གྲནྨ་ཏནྟ། བོད་སྐད་དུ། ནམ་མཁའ་འབྲུག་སྒྲོགས་ཐོག་བབས་ཀློང
161a4 འདུས་སྤྱི་རྒྱལ་རྒྱ་མདུད་ཀྱི་རྒྱུད།། ཐིག་ལེ་ཀུན་འདུས་ལ་ཕྱག་ཚལ་ལོ།། འདི་སྐད་བདག་གིས་ཅིར་ཡང་མ་ཐོས། ཅིར་ཡང་མ་མཚོན། ཚིག་ཏུ་མ་བརྗོད། དུས་མེད་པ་ན། སྐྱེ་མེད་སྙིང་པོའི་ཀློང་ན་ཀ་དག་ཆོས་སྐུ
161a5 བཞུགས།། དངོས་མེད་དང་དངས་འཁོར་ལ་བློ་འདས་བྱར་མེད་གསུངས།། སྔོན་མེད་ཕྱིས་མེད་དུས་གསུམ་དབྱེར་མེད་དུས།། སྡུད་པ་པོ་ནི་དངོས་མེད་དང་དངས་སོ།། དེ་ནི་ཕུན་སུམ་ཚོགས་པར་བསྟན་པའོ།། དེ
161a6 ནས་ངང་དངས་ཁྱེའུ་ཆུང་གིས།། སྐྱེ་མེད་ཀ་དག་ཆོས་སྐུ་ལ།། ཕུན་སུམ་ཚོགས་དོན་དེ་ལྟར་ན།། སངས་རྒྱས་བྱ་བ་ཡོད་དམ་མེད།། སེམས་ཅན་བྱ་བ་ཅི་ལ་ཟེར།། དེ་ཉིད་ངོ་བོ་གཅིག་མི་གཅིག། གཅིག་ན་འཁོར
iiif viewer powered by OpenSeadragon
