| e-texts navigator |
| Wylie |
160b1 ཡང་ཏི་ཡོ་གའི་འབྲས་བུ་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་ཀུན་རིག་གསལ་བའི་ཁྱེའུ་ཆུང་གིས།། སྐྱེ་མེད་ཀ་དག་སྟོན་པ་ལ།། གོང་ཞུས་དོན་རྣམས་དེ་ལྟར་ན།། མཚན་དང་གཏད་རྒྱ་གང་ལ
160b2 གཏད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། རྒྱུད་རྣམས་ཀུན་གྱི་སྤྱི་རྗེ་སྤྱི་ཕུད་པས།། དགུ་རྩེ་སྤྱི་ཕུད་རྒྱུད་ཀྱི་རྒྱལ་པོར་ཟུང་།། ཉི་ཟླ་བཀོད་པས་མུན་པ་འཇོམ་པའི་ཕྱིར།། མུན་སེལ་སྣང་བ་བཀོད
160b3 པའི་རྒྱུད་དུ་ཟུང་།། སྣང་གསལ་ཉི་མ་འོད་གསལ་ཟླ་བའི་རྒྱུད།། སྣང་བ་འོད་གསལ་དག་པ་བཀོད་པའི་རྒྱུད་དུ་ཟུང་།། མུ་མེད་མཐའ་ཡས་ནམ་མཁའི་མཐའ་མཉམ་ཕྱིར།། ནམ་མཁའི་མཐའ་དང་མཉམ་པའི་རྒྱུད
160b4 དུ་ཟུང་།། ནམ་མཁའི་ཆོས་འཕྲུལ་སྤྲིན་ཆར་བུ་ཡུག་སོགས།། ནམ་མཁའི་ཀློང་དང་ནམ་མཁའི་མཐའ་དང་མཉམ།། དེ་ཕྱིར་ནམ་མཁའི་མཐའ་དང་མཉམ་པའི་རྒྱུད་དུ་ཟུང་།། ཞེས་མཚན་བསྟན་པའི་ལེའུ་སྟེ་བཅུ
160b5 བཞི་པའོ།། །། དེ་ནས་ཀུན་རིག་གསལ་བའི་ཁྱེའུ་ཆུང་གིས།། རྒྱུད་འདི་གང་ཟག་གང་ལ་གཏད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། རི་བོའི་བློ་ལ་རྒྱ་མཚོའི་ཐུགས།། ནམ་མཁའི་དགོངས
160b6 པ་ཉི་ཟླའི་སེམས།། རལ་གྲིའི་ཤེས་རབ་སྤུ་གྲིའི་བློ།། གླ་བྲིང་རྒྱུད་ལ་ཤེལ་སྒོང་དམ།། བླ་མ་ལ་གུས་སྙིང་རྗེ་ཆེ།། དམ་ཚིག་གཞུང་བསྲུང་རྣམ་སྨིན་འཛེམ།། ང་རྒྱལ་སེར་སྣ་ཆུང་ལ་གཏོང་ཕོད་ཆེ།། དེ་ལ་རྒྱུད་ཀྱི
iiif viewer powered by OpenSeadragon
