| e-texts navigator |
| Wylie |
160a1 རྣམས་རྫོགས།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས། རྫོགས་ཆེན་ཡང་ཏི་ཡོ་གར་ཐེག་པ་རིམ་བཅུ་རྫོགས་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་ཀུན་གསལ་རིག
160a2 པའི་ཁྱེའུ་ཆུང་གིས།། སྐྱེ་མེད་ཀ་དག་སྟོན་པ་ལ།། རྫོགས་ཆེན་ཡང་ཏི་ཡོ་ག་ཡི།། མ་བསྒྲུབས་འབྲས་བུ་ཇི་ལྟར་འཐོབ།། ཅེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། རྫོགས་ཆེན་ཡང་ཏིའི་འབྲས་བུ
160a3 ལ།། ཐོབ་དང་མ་ཐོབ་གཉིས་མེད་ཀྱང་།། རེ་ཞིག་བྲོད་པ་སྐྱེ་ཕྱིར་བཤད།། གོང་དུ་འབྲས་བུ་བཤད་ཟིན་ཀྱང་།། མུ་མཐའ་ཡས་པའི་འབྲས་བུར་བཤད།། གཏིང་མཐའ་གྲོལ་བའི་འབྲས་བུ་ཡིན།། ཆོས་རྣམས་ཟད
160a4 སར་སྒྲོལ་བ་འབྲས་བུ་ཡིན།། སྙིང་པོ་ཀློང་དུ་གྱུར་པ་འབྲས་བུ་ཡིན།། སྐྱེ་མེད་ཀ་དག་རྟོགས་པ་འབྲས་བུ་ཡིན།། དངོས་མེད་ཟང་ཀ་རྟོགས་པ་འབྲས་བུ་ཡིན།། བྱར་མེད་བློ་འདས་རྟོགས་པ་འབྲས་བུ་ཡིན།། མིང
160a5 མེད་མཐའ་བྲལ་རྟོགས་པ་འབྲས་བུ་ཡིན།། རང་བྱུང་རང་ལ་རྟོགས་པ་འབྲས་བུ་ཡིན།། རང་དངས་རང་ལ་རྟོགས་པ་འབྲས་བུ་ཡིན།། གཞི་མེད་སྐྱེ་མེད་ཆོས་སྐུའི་འབྲས་བུ་ཡིན།། འོད་གསལ་ཀ་དག་ལོངས་སྐུའི
160a6 འབྲས་བུ་ཡིན།། དངོས་རྣམས་དངོས་མེད་སྦྲུལ་སྐུའི་འབྲས་བུ་ཡིན།། སྐུ་གསུམ་དབྱེར་མེད་དོན་དམ་བདེན་མེད་ཐོབ།། ཅི་ཡང་མ་གྲུབ་འདི་ལྟར་སངས་རྒྱས་སོ།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས།།
iiif viewer powered by OpenSeadragon
