| e-texts navigator |
| Wylie |
15b1 བ་ལྟ་བུའོ།། བྱ་བ་གྲུབ་པའི་ཡེ་ཤེས་ཀྱི་དཔེ་ནི། རླུང་དང་ཉི་མ་བཞིན་ནོ།། མི་གནས་པའི་ཡེ་ཤེས་ཀྱི་དཔེ་ནི་ཆུ་ཟླ་བཞིན་ནོ།། རང་རིག་པའི་ཡེ་ཤེས་ཀྱི་དཔེ་ནི་མན་ཤེལ་དང་འོད་བཞིན་ནོ།། རང་བྱུང་ཡེ་ཤེས་ཀྱི
15b2 དཔེ་ནི་རྡོ་རྗེ་ལྟ་བུའོ།། འདའ་ཀ་ཐུགས་ཀྱི་ཡེ་ཤེས་ཀྱི་དཔེ་ནི། རྒྱལ་པོའི་བཀའ་ཁྲིམས་ལ་གནས་པའི་ཕྱག་རྒྱ་མོ་ལ་མི་ཡིས་གླགས་མི་འཚོལ་བ་བཞིན་ནོ།། ཞེས་གསུངས་སོ།། སྤྲོས་བྲལ་དོན་གསལ་གྱི་རྒྱུད་ཆེན་པོ
15b3 ལས། ཡེ་ཤེས་ཡོངས་སུ་ངོས་བཟུང་བ་བསྟན་པའི་ལེའུ་སྟེ་དགུ་པའོ།། །། དེ་ནས་ཡང་སྟོན་པས་བཀའ་སྩལ་པ། ངས་བསྟན་པ་ཡི་རྒྱུད་ལུང་དག་ནས།། ཐམས་ཅད་འབྱུང་བར་སྨྲ་ན། གཞི་གནས་ཀྱི་ཡེ་ཤེས
15b4 ཡིན། དངོས་མེད་སྟོང་པར་བརྗོད་ན་ཆོས་ཀྱི་དབྱིངས་ཀྱི་ཡེ་ཤེས་ཡིན། འགག་པ་མེད་པར་བརྗོད་ན། མེ་ལོང་ལྟ་བུའི་ཡེ་ཤེས་ཡིན། གཉིས་སུ་མེད་པར་བརྗོད་ན། མཉམ་པ་ཉིད་ཀྱི་ཡེ་ཤེས་ཡིན། མ་འདྲེས་ཡོངས
15b5 སུ་རྫོགས་པར་བརྗོད་ན།། སོ་སོར་རྟོགས་པའི་ཡེ་ཤེས་ཡིན། གང་ལ་ཐོགས་པ་མེད་པར་བརྗོད་ན། བྱ་བ་གྲུབ་པའི་ཡེ་ཤེས་ཡིན།། མཐའ་དང་བྲལ་བར་བརྗོད་པ་ན།། མི་གནས་པ་ཡི་ཡེ་ཤེས་ཡིན།། རིག་པ་འོད
15b6 གསལ་བརྗོད་པ་དང་།། རང་རིག་ཞེས་སུ་བརྗོད་པ་ན།། རིག་པའི་ཡེ་ཤེས་ཆེན་པོ་ཡིན།། འགྱུར་བ་མེད་དང་འདུས་མ་བྱས།། རྡོ་རྗེ་ལྟ་བུའི་ཚིག་བརྗོད་ན།། རང་བྱུང་ཡེ་ཤེས་ཆེན་པོར་བཤད།། འདའ་རུ་མེད་པ་དང
iiif viewer powered by OpenSeadragon
