| e-texts navigator |
| Wylie |
15a1 ཀྱི་དབྱིངས་ཀྱི་ཡེ་ཤེས་སོ།། སྟོང་པ་དེ་རིག་པ་འགག་པ་མེད་པར་འདུག་པས་མེ་ལོང་ཡེ་ཤེས་སོ།། སྟོང་པ་དེ་ཉིད་རིག་པ་ཡིན་ལ་རིག་པ་དེ་ཉིད་སྟོང་པ་ཡིན་ཏེ། སྟོང་རིག་དབྱེར་མི་ཕྱེད་པས་མཉམ
15a2 པ་ཉིད་ཀྱི་ཡེ་ཤེས་སོ།། སྟོང་པ་དང་རིག་པ་གཉིས་སུ་མེད་པ་སོ་སོར་མཁྱེན་པས་སོ་སོར་རྟོགས་པའི་ཡེ་ཤེས་སོ།། རིག་པ་དངོས་མེད་ཀྱི་ཡེ་ཤེས་རྡོས་པ་ཅན་གྱི་ཆོས་མ་ཡིན་པ་ཡོན་ཏན་གྱི་སྒོ་ཡངས་པ་སྟེ། རྩལ
15a3 ཕྱོགས་མེད་དུ་གང་ལའང་མ་ཐོགས་པར་འབྱུང་བས་བྱ་བ་གྲུབ་པའི་ཡེ་ཤེས་སོ།། དེ་ལྟར་ཚིག་ཕྱོགས་རེ་ནས་བརྟགས་ཀྱང་། དོན་ཕྱོགས་ཆ་དང་བཅས་པ་མི་སྣང་བས་མི་གནས་པའི་ཡེ་ཤེས་སོ།། ཀྱེ་ཧོ་རིགས་ཀྱི་བུ
15a4 དེ་ལྟར་ཤེས་པ་ནི། རང་གིས་རང་རིག་པས་རིག་པའི་ཡེ་ཤེས་སོ།། དེ་ལ་བྱེད་པ་པོ་མེད་པས་རང་བྱུང་གི་ཡེ་ཤེས་སོ།། དེའི་དོན་ལས་མི་འདའ་བས་ན། འདའ་ཀ་ཐུགས་ཀྱི་ཡེ་ཤེས་སོ།། དཔེ་བསྟན་ན་གཞི་གནས
15a5 ཀྱི་ཡེ་ཤེས་ཀྱི་དཔེ་ནི། ཐམས་ཅད་འབྱུང་བས་ས་གཞི་རིན་པོ་ཆེ་ལྟ་བུའོ།། ཆོས་ཀྱི་དབྱིངས་ཀྱི་ཡེ་ཤེས་ནི་ནམ་མཁའ་ལྟ་བུའོ།། མེ་ལོང་ཡེ་ཤེས་ཀྱི་དཔེ་ཆུ་དངས་པའམ་མེ་ལོང་གཡའ་དག་པ་ལྟ་བུའོ།། མཉམ་པ
15a6 ད་ཀྱི་ཡེ་ཤེས་ཀྱིས་ནི་དུས་གསུམ་མཉམ་པ་ཉིད་ཀྱི་དཔེ་ཆུ་བོ་ལྟ་བུའོ།། གཉིས་སུ་མེད་པའི་ཡེ་ཤེས་ཀྱི་དཔེ་ནི། གསེར་དང་སེར་པོ་ལྟ་བུའོ།། སོ་སོར་རྟོགས་པའི་ཡེ་ཤེས་ཀྱི་དཔེ་ནི། རྒྱ་མཚོར་གཟའ་སྐར་ཤར
iiif viewer powered by OpenSeadragon
