| e-texts navigator |
| Wylie |
159b1 ལ།། བཅུ་རྩེ་ཡང་ཏི་ཡོ་ག་རུ།། ཐེག་པ་རིམ་བཅུ་ཇི་ལྟར་རྫོགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། བཅུ་རྩེ་ཡང་ཏི་ཡོ་ག་འདིར།། ཐེག་པ་དགུ་ཡི་རྫོགས་ལུགས་ནི།། གང་ཟག་བདག་མེད་མི
159b2 འདོད་པས།། ཉན་ཐོས་ལྟ་བ་ཡོངས་སུ་རྫོགས།། བདག་མེད་ཕྱོགས་ཆ་མི་འབྱེད་པས།། རང་རྒྱལ་ལྟ་བ་ཡོངས་སུ་རྫོགས།། རང་རིག་སེམས་སུ་མ་གྲུབ་པས།། སེམས་ཙམ་ལྟ་བ་ཡོངས་སུ་རྫོགས།། བདེན་པ་གཉིས
159b3 སུ་མི་བལྟ་བས།། དབུ་མའི་ལྟ་བ་ཡོངས་སུ་རྫོགས།། དག་གསུམ་རིགས་གསུམ་བསྒོམ་མེད་པས།། ཀྲི་ཡའི་ལྟ་བ་ཡོངས་སུ་རྫོགས།། མར་སྤྱོད་ཡར་ལྷའི་རྩེ་གཉིས་མེད།། ཨུ་པའི་ལྟ་བ་ཡོངས་སུ་རྫོགས།། རིགས
159b4 ལྔ་སྐྱེ་འགག་གཉིས་མེད་པས།། ཡོ་གའི་ལྟ་བ་ཡོངས་སུ་རྫོགས།། སྣང་སྟོང་གཉིས་མེད་མི་བསྒྲུབ་པས།། མ་ཧཱའི་ལྟ་བ་ཡོངས་སུ་རྫོགས།། དབྱིངས་དང་ཡེ་ཤེས་གཉིས་མེད་པས།། ཨ་ནུའི་ལྟ་བ་ཡོངས་སུ
159b5 རྫོགས།། སྣང་དང་ཆོས་སྐུ་གཉིས་མེད་པས།། ཨ་ཏིའི་ལྟ་བ་ཡོངས་སུ་རྫོགས།། ཀ་དག་མ་དག་གཉིས་མེད་པས།། སྠི་ཏིའི་ལྟ་བ་ཡོངས་སུ་རྫོགས།། ཡང་ཏི་མིང་མེད་མཐའ་གྲོལ་དུ།། བརྒྱད་ཁྲི་བཞི་སྟོང་མ་འདྲེས
159b6 རྫོགས།། ཞེས་གསུངས་སོ།། དེ་ཡང་དཔེ་ཡི་མཚོན་ཙམ་བསྟན་པ་ནི།། གནམ་ས་གཉིས་སུ་དངོས་པོའི་ཆོས་རྣམས་རྫོགས།། ནམ་མཁའི་ཆོ་འཕྲུལ་ནམ་མཁའི་ངང་དུ་རྫོགས།། རྒྱ་མཚོའི་ཀློང་དུ་རྒྱ་མཚོའི་ཆོས
iiif viewer powered by OpenSeadragon
