| e-texts navigator |
| Wylie |
159a1 གསུངས་སོ།། ཉི་ཟླ་བཀོད་པའི་རྒྱུད་ལས། བྱ་བཙལ་རྩོལ་བསྒྲུབ་མི་དགོས་པར་བསྟན་པའི་ལེའུ་སྟེ་བཅུ་པའོ།། །། དེ་ནས་ཀུན་རིག་ཁྱེའུ་ཆུང་གིས།། སྙིང་པོ་ཀ་དག་ཆོས་སྤྲུ་ལ།། ཐེག་པའི
159a2 ལྟ་སྒོམ་མུ་མེད་པར།། ཡང་ཏི་ཡོ་གས་ཇི་ལྟར་རྟོགས་པ་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཐེག་པའི་རིམ་པ་ལྟ་སྒོམ་ཞེ་འདོད་ཡིན།། ཞེ་འདོད་ཡིད་སྨོན་ཆོས་ཀྱིས་སངས་མི་རྒྱ།། གྲུབ
159a3 མཐའི་རྩོལ་བ་མེད་པའི་ཆོས་གཅིག་དགོས།། ཆོས་གཅིག་ཡང་ཏི་ཡོ་གས་འདི་ལྟར་རྟོགས།། སྣང་སྲིད་དབྱེ་བསལ་མེད་པའི་ཆོས་གཅིག་རྟོགས།། ཡུལ་སེམས་གཟུང་འཛིན་མེད་པའི་ཆོས་གཅིག་རྟོགས།། རིག
159a4 སེམས་སྐྱེ་འགག་མེད་པའི་ཆོས་གཅིག་རྟོགས།། ལྟ་སྒོམ་རྩོལ་བསྒྲུབ་མེད་པའི་ཆོས་གཅིག་རྟོགས།། ལྟ་བ་གཏད་མེད་ཕྱོགས་མེད་མཐའ་གྲོལ་རྟོགས།། སྒོམ་མེད་བསམ་མེད་མུ་མེད་མཐའ་ཡས་རྟོགས།། བྱར་མེད
159a5 རྩོལ་མེད་མཐའ་རྣམས་ཡོངས་གྲོལ་རྟོགས།། རེ་མེད་དོགས་མེད་འདི་ལྟར་སངས་རྒྱས་རྟོགས།། ཐེག་པའི་རྒྱལ་པོ་ཡང་ཏི་ཡོ་ག་ཡིན།། མུ་མེད་མཐའ་ཡས་མིང་མེད་བློ་འདས་རྟོགས།། རྩོལ་བསྒྲུབ་ཅི་ཡང་མ་བྱས
159a6 གྲོལ་བར་བཤད།། ཅེས་གསུངས་སོ།། ཉི་ཟླ་བཀོད་པའི་རྒྱུད་ལས། ཡང་ཏི་ཡོ་གས་ཇི་ལྟར་རྟོགས་པ་བསྟན་པའི་ལེའུ་སྟེ་བཅུ་གཅིག་པའོ།། །། དེ་ནས་ཀུན་རིག་ཁྱེའུ་ཆུང་གིས།། སྐྱེ་མེད་ཀ་དག་ཆོས་སྐུ
iiif viewer powered by OpenSeadragon
