| e-texts navigator |
| Wylie |
158b1 མེད་མཐའ་ཡས་རྟོགས།། ཐེག་ཆོས་ལྟ་སྒོམ་མེད་པས་མུ་མེད་མཐའ་ཡས་རྟོགས།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས། མུ་མེད་མཐའ་ཡས་རྟོགས་ཐབས་བསྟན་པའི་ལེའུ་སྟེ་དགུ་པའོ།། །། དེ
158b2 ནས་ཀུན་རིག་ཁྱེའུ་ཆུང་གིས།། སྙིང་པོ་ཀ་དག་ཆོས་སྐུ་ལ།། བྱར་མེད་བློ་འདས་དོན་འདོད་ན།། བྱ་བཙལ་རྩོལ་བསྒྲུབ་མི་འཚལ་ལམ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཆོས་དང་སེམས་སུ
158b3 འདྲེས་པ་ན།། བྱ་བཙལ་ཅི་ཡང་མི་དགོས་སོ།། བློ་དངོས་འཕྲད་ནས་མུ་མཐའ་གྲོལ་བ་ན།། བྱ་བ་གང་ཡིན་བྱ་རྒྱུ་ཅི་ཞིག་སྤྱོད།། ལྟ་བྱེད་གང་ཡིན་བལྟ་བྱ་གང་ན་འདུག། ནམ་མཁའི་དབྱིངས་སུ་ལྟོས་དང་ཅི་མ
158b4 འདྲ།། སྒོམ་བྱེད་གང་ཡིན་བསྒོམ་བྱ་གང་ན་འདུག། བསྒོམ་ན་དངོས་པོ་བསྒོམ་མམ་སྟོང་པ་བསྒོམ།། དངོས་པོ་བསྒོམ་ན་ཡེ་ནས་གྲུབ་ཟིན་པས།། གྲུབ་ཟིན་དེ་ལ་བསྒོམ་ཡང་ཅི་ཞིག་དགོས།། གལ་ཏེ་སྟོང་པ་བསྒོམ
158b5 མོ་ཞེས་འདོད་ན།། ཡེ་སྟོང་ཡིན་པས་ད་གདོད་སྟོང་མི་དགོས།། ལྷ་དང་ལྷ་མོ་གཞལ་ཡས་ཕྱི་ནང་དང་།། རྩ་དང་ཐིག་ལེ་བསྒོམ་པའི་དམིགས་གཏད་མེད།། བྱ་བ་བཏང་བས་ལས་རྣམས་དུས་གཅིག་ཟིན།། དགེ་སྦྱོད
158b6 ཆོས་སྤྱོད་སྡིག་པ་བྱ་རྒྱུ་མེད།། དལ་བ་ལྷུག་པ་བག་ཡངས་རྣལ་མ་ལ།། སོ་མ་ཟང་ཀ་མ་བཅོས་མ་བྱས་པས།། མ་བཙལ་ཡེ་ནས་རྩོལ་བསྒྲུབ་ལས་ཟིན་པས།། ད་ནི་བྱ་བྱེད་དགག་བསྒྲུབ་མི་འཚལ་ལོ།། ཞེས
iiif viewer powered by OpenSeadragon
