| e-texts navigator |
| Wylie |
158a1 ཚན་ཁ་བ་ཕྱོགས།། རི་བོའི་རྩེ་ལ་འདུག་ལ་སྤང་ལ་གསེར་ཕུར་ཐོབ།། སྣང་བའི་ཆོས་རྣམས་དབྱེ་བསལ་མེད་པ་ཡིས།། དེ་ཡི་མུ་མེད་མཐའ་ཡས་རྟོགས་པར་འགྱུར།། ཞེས་གསུངས་སོ།། བལྟ་བྱ་ལྟ
158a2 བྱེད་མེད་པས་མུ་མེད་མཐའ་ཡས་རྟོགས།། བསྒོམ་བྱ་སྒོམ་བྱེད་མེད་པས་མུ་མེད་མཐའ་ཡས་རྟོགས།། སྤྱད་བྱ་སྤྱོད་བྱེད་མེད་པས་མུ་མེད་མཐའ་ཡས་རྟོགས།། བསྒྲུབ་བྱ་སྒྲུབ་བྱེད་མེད་པས་མུ་མེད་མཐའ་ཡས
158a3 རྟོགས།། ཡེ་ཤེས་ཉི་མ་ཤར་བས་མུ་མེད་མཐའ་ཡས་རྟོགས།། མ་རིག་གཏི་མུག་སངས་པས་མུ་མེད་མཐའ་ཡས་རྟོགས།། དུག་ལྔ་རང་སར་གྲོལ་བས་མུ་མེད་མཐའ་ཡས་རྟོགས།། འཁྲུལ་སྒོ་འཁྲུལ་སྣང་མེད་པས་མུ
158a4 མེད་མཐའ་ཡས་རྟོགས།། སྣང་སྟེ་གྲུབ་པ་མེད་པས་མུ་མེད་མཐའ་ཡས་རྟོགས།། རིག་ཀྱི་ངོས་གཟུང་མེད་པས་མུ་མེད་མཐའ་ཡས་རྟོགས།། སེམས་ཀྱང་དངོས་གཞི་མེད་པས་མུ་མེད་མཐའ་ཡས་རྟོགས།། སྣང་བ་རང
158a5 སོར་བཞག་པས་མུ་མེད་མཐའ་ཡས་རྟོགས།། རིག་པ་མིང་མེད་རིག་མེད་མུ་མེད་མཐའ་ཡས་རྟོགས།། ཡིད་ལ་འགྱུ་མེད་འཛིན་མེད་མུ་མེད་མཐའ་ཡས་རྟོགས།། སེམས་ལ་དྲན་བསམ་མེད་པས་མུ་མེད་མཐའ་ཡས
158a6 རྟོགས།། གཟུགས་སྒྲ་དྲི་རོ་མེད་པས་མུ་མེད་མཐའ་ཡས་རྟོགས།། ཕུང་པོ་ལྔ་པོ་མེད་པས་མུ་མེད་མཐའ་ཡས་རྟོགས།། དབང་པོ་རྣམ་ལྔ་མེད་པས་མུ་མེད་མཐའ་ཡས་རྟོགས།། རྣམ་ཤེས་ཚོགས་བརྒྱད་མེད་པས་མུ
iiif viewer powered by OpenSeadragon
