| e-texts navigator |
| Wylie |
157b1 སྟོངས་སོ།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས། མིང་མེད་མཐའ་སྟོངས་རྟོགས་ཐབས་བསྟན་པའི་ལེའུ་སྟེ་བརྒྱད་པའོ།། །། དེ་ནས་ཀུན་རིག་ཁྱེའུ་ཆུང་གིས།། སྐྱེ་མེད་ཀ་དག་སྟོན་པ་ལ།། མུ་མཐའ
157b2 ཡས་པར་རྟོགས་ཐབས་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། བརྡ་དང་གནད་ཀྱི་སྒོ་ནས་བསྟན།། འཁོར་རྣམས་མ་ཡེངས་གུས་པར་ཉོན།། མུ་མེད་མཐའ་ཡས་རྟོགས་ཐབས་ལ།། ཆོས་རྣམས
157b3 བློ་ཡིས་ཞེ་འདོད་མི་བྱ་སྟེ།། སྣང་གྲག་ཆོས་རྣམས་གང་ལ་ཡང་།། ཞེ་འདོད་བཅས་བཅོས་ཆགས་སྡང་མེད་པར་གཞག། སྣ་ཚོགས་ཡུལ་སེམས་མ་ཆགས་ཏེ།། ཆོས་ཉིད་རང་གྲོལ་ལོ།། དེ་ཡིས་མུ་མེད་མཐའ་ཡས
157b4 རྟོགས།། ཀྱེ་མ་རྣལ་འབྱོར་སྐལ་བ་ཅན།། མུ་མེད་མཐའ་ཡས་རྟོགས་འདོད་ན།། གང་ལའང་མ་སེམས་ཅི་ལའང་ཞེ་འདོད་མེད་པར་ཞོག། རིག་པ་རྣམ་དག་ཡེ་སངས་རྒྱས།། སྣ་ཚོགས་རང་སྣང་རང་སར་གྲོལ།། བརྡ
157b5 ཡི་སྒོ་ནས་རྟོགས་ཐབས་ནི།། ཀྱེ་ཧོ་ཨེ་མ་རྣལ་འབྱོར་ཀུན།། མུ་མེད་མཐའ་ཡས་རྟོགས་འདོད་ན།། རྒྱ་མཚོའི་ཀློང་དུ་ཉོལ་ལ་ནམ་མཁའི་དབྱིངས་སུ་ལྟོས།། ཁྱུང་དང་སེང་གེ་ཞོན་ལ་ཉི་ཟླའི་སྙིང་པོ་ལྟོས།། ཤེས་རབ
157b6 གྲི་ཐོགས་ཁྱི་ཕག་བྱ་སྦྲེལ་གསོད།། སྒྲོན་མེ་ལག་ཐོགས་མུན་པའི་སྨག་རུམ་སེལ།། འཇའ་ཚོན་རྒྱལ་མཚན་གྱིས་ལ་ན་བུན་སྨུག་པ་སོལ།། ཆུ་གཉེར་ཁ་རུ་ཚུགས་ལ་སྤྲེའུ་ལག་པས་ཟུང་།། རླུང་ཕོ་སྟོད་ལ་ནོན་ལ་རྡོ
iiif viewer powered by OpenSeadragon
