| e-texts navigator |
| Wylie |
156b1 འཁྲུལ་པ་དང་མ་འཁྲུལ་པ་མེད་པར་བསྟན་པའི་ལེའུ་སྟེ་བདུན་པའོ།། །། དེ་ནས་ཀུན་རིག་ཁྱེའུ་ཆུང་གིས།། སྙིང་པོ་ཀ་དག་ཆོས་སྐུ་ལ།། མིང་མེད་མཐའ་སྟོང་གང་གིས་རྟོགས།། ཞེས་ཞུས་པ་དང་།། སྟོན་པས
156b2 འཁོར་ལ་བཀའ་སྩལ་པ།། མིང་མེད་མཐའ་སྟོངས་རྟོགས་འདོད་ན།། བྱ་བ་ཐམས་ཅད་བཏང་བ་ཡིན།། སྣང་སྲིད་འཁོར་འདས་ཆོས་རྣམས་ལ།། ཅི་ལ་མི་བསམ་ཞེ་འདོད་མེད་པར་བཞག། དངོས་པོར་སྣང་བའི་ཆོས
156b3 རྣམས་ལ།། མིང་མེད་ཞེ་མཐའ་གྲོལ་བར་བཞག། ཆོས་རྣམས་ཐེག་པ་སྣ་ཚོགས་ལ།། བཟང་ངན་བླང་དོར་མེད་པར་བཞག། གྲུབ་མཐའ་གང་སྣང་རང་སར་གྲོལ།། ཆོས་ཀུན་རྩོལ་བསྒྲུབ་མེད་པར་བཞག། འབྲེལ
156b4 པ་ཆོད་ལ་གཅིག་པུར་སྡོད།། བླ་མའི་མན་ངག་གནད་ཀྱིས་ཟིན་པར་གྱིས།། གང་ཤེས་ཉམས་སུ་ལོངས་ལ་ཆོས་དང་སེམས་སུ་བསྲེས།། སེམས་ཀྱི་རྒྱུ་འགྲུལ་མ་མང་རང་སར་སྡོད།། སོ་མ་ཟང་ཀ་རྣལ་མར
156b5 སྡོད།། ལོངས་སྤྱོད་གཡེངས་པའི་བདུད་བྱུང་ན།། དགྲ་དང་ཚེར་མ་བཞིན་དུ་སྤང་བར་བྱ།། གཉེན་དྲུང་ཕ་མ་ལ་སོགས་རྒྱབ་བོར་ལ།། བྱ་བ་ཀུན་བཏང་རི་ཁྲོད་དགོན་པར་སྡོད།། རྩོལ་བསྒྲུབ་ཅི་ཡང་མི་བྱ་ཡིད་ཀྱི་བྱ
156b6 པབཔ་བཏང་།། རིག་པ་གང་ལའང་མི་རྒྱུ་ཡིད་ཀྱི་འཁྲུལ་རྟོག་མེད།། དྲན་སེམས་གང་ལའང་མི་འཇུག་གང་སྣང་ཡུལ་མ་ཆགས།། ཡིད་སེམས་ཐ་མལ་མ་ཡིན་ཆོས་ཀྱི་དབྱིངས་སུ་སྡོད།། འཇིགས་སར་དགྲ་ལ་མ་བསྐུར
iiif viewer powered by OpenSeadragon
