| e-texts navigator |
| Wylie |
156a1 བས་ཟོད་རྒལ་དུ་རྟོགས་པར་བསྟན་པའི་ལེའུ་སྟེ་དྲུག་པའོ།། །། དེ་ནས་ཀུན་རིག་གསལ་བའི་ཁྱེའུ་ཆུང་གིས།། སྐྱེ་མེད་ཀ་དག་སྟོན་པ་ལ།། དབང་པོ་ཟོད་རྒལ་སྐྱེས་བུ་ཡིས།། གཞི་འཁྲུལ་རྩད
156a2 གཅོད་ཅང་དགོས་སམ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། དབང་པོ་ཐོད་རྒལ་རྣལ་འབྱོར་གྱིས།། གཞི་འཁྲུལ་རྩད་གཅོད་མི་དགོས་ཏེ།། གཞི་དང་འཁྲུལ་པ་ཤེས་པས་ཆོག། གཞི་ཡི་དོན་ཤེས
156a3 འཁྲུལ་དུ་མེད།། དེ་ནི་ཅི་ཡི་ཕྱིར་ཞེ་ན།། གཞི་དེ་མིང་མེད་མཐའ་སྟོང་ཡིན།། ཆོས་ཉིད་གཞི་ཡི་ངོ་བོ་དེ།། ཡེ་ཤེས་ཀྱིས་གསལ་མ་མྱོང་ལ།། འཁྲུལ་པས་འགྲིབ་མ་མྱོང་བའོ།། དཔེར་ན་ཤེལ་སྒོང་དྲུང་དག
156a4 ཏུ།། བཟང་ངན་སྣ་ཚོགས་གང་བསྟན་ཀྱང་།། བཟང་ངན་སྐྱོན་ཡོན་གྱིས་མ་གོས།། གཉིས་ཀ་ཤེལ་སྒོང་ནང་དུ་དག། དེ་བཞིན་གཞི་ཡི་ངོ་བོ་ཡང་།། སྐྱོན་ཡོན་གཉིས་ཀ་ཀློང་དུ་དག། མ་རིག་ཡེ་ཤེས་ཐ་དད
156a5 མེད།། འཁྲུལ་དང་མ་འཁྲུལ་ཐ་དད་མེད།། མ་འཁྲུལ་རྟོགས་པའི་ལམ་དུ་གཅིག། ངོ་བོ་གཅིག་ལ་སྣང་ཚུལ་གཉིས།། དཔེར་ན་ག་པུར་ལྟ་བུ་སྟེ།། ག་པུར་གཞི་ལ་གཉིས་མེད་ཀྱང་།། ཚ་གྲང་རྐྱེན་གྱིས་སྨན་དུག
156a6 གཉིས།། ག་པུར་ངོ་བོ་ཐ་དད་མེད།། སྙིང་པོ་ཀ་དག་མུ་མཐའ་གྲོལ་རྟོགས་པས།། སྣམ་རྟོག་འཁྲུལ་བ་སྣང་ཡང་ག་ལ་འགྲིབ།། ཅེས་གསུངས་སོ།། ཉི་ཟླ་བཀོད་པའི་རྒྱུད་ལས། གཞི་འཁྲུལ་རྩད་གཅོད་ངོ་ཤེས་པས
iiif viewer powered by OpenSeadragon
