| e-texts navigator |
| Wylie |
155b1 པའི་རྒྱུད་ལས། འབྲས་བུ་བསྟན་པའི་ལེའུ་སྟེ་ལྔ་པའོ།། །། དེ་ནས་ཀུན་རིག་གསལ་བའི་ཁྱེའུ་ཆུང་གིས།། སྟོན་པ་སྐྱེ་མེད་ཀ་དག་ཆོས་སྐུ་ལ།། དབང་པོ་ཡང་རབ་རྣམས་ཀྱིས་ཇི་ལྟར་རྟོགས།། ཞེས་ཞུས་པས། ཀ
155b2 དག་སྟོན་པས་འཁོར་ལ་བཀའ་སྩལ་པ།། ཡང་རབ་སྐལ་ལྡན་རྣམས་ཀྱིས་རྟོགས་པ་ནི།། མིང་མེད་བློ་འདས་ཆེན་པོའི་ངོ་བོ་རྟོགས།། གཏིང་མཐའ་ཡངས་ལ་མུ་མཐའ་གྲོལ་བར་རྟོགས།། བྱར་མེད་རྩོལ་བསྒྲུབ་བྲལ
155b3 བའི་ངོ་བོ་རྟོགས།། ཆོས་རྣམས་བྱ་བ་མེད་པའི་ངོ་བོ་རྟོགས།། ལྟ་བའི་རྒྱལ་པོ་མུ་མཐའ་གྲོལ་བར་རྟོགས།། སྒོམ་པའི་རྒྱལ་པོ་གཏིང་མཐའ་ཡས་པར་རྟོགས།། སྤྱོད་པའི་རྒྱལ་པོ་བྱར་མེད་རྣལ་མར་རྟོགས།། དམ
155b4 ཚིག་རྒྱལ་པོ་ཀ་དག་ཆེན་པོར་རྟོགས།། ཕྲིན་ལས་རྒྱལ་པོ་རྩོལ་བསྒྲུབ་མེད་པར་རྟོགས།། ས་ཡི་རྒྱལ་པོ་སྦྱང་དུ་མེད་པར་རྟོགས།། ལམ་གྱི་རྒྱལ་པོ་བགྲོད་དུ་མེད་པར་རྟོགས།། འབྲས་བུའི་རྒྱལ་པོ་སྐུ་གསུམ་ལྡན
155b5 གྲུབ་རྟོགས།། ཆོས་ཉིད་རྒྱལ་པོ་བཅོས་སུ་མེད་པར་རྟོགས།། ཉམས་མྱོང་རྒྱལ་པོ་བསྟན་དུ་མེད་པར་རྟོགས།། འདི་ལྟར་སྣང་བའི་དངོས་པོ་ཐམས་ཅད་ལ།། མི་བསྒྲུབ་མི་སྤང་རང་སར་གྲོལ་བར་རྟོགས།། རིག་པ
155b6 སེམས་དང་ཡིད་དང་དྲན་པ་རྣམས།། རང་བྱུང་དང་དངས་ཆུ་རླབས་ལྟ་བུར་རྟོགས།། ཆོས་རྣམས་དབྱེ་བསལ་བླང་དོར་མེད་པར་རྟོགས།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས། ཡང་རབ་ཀྱི་རྣལ་འབྱོར
iiif viewer powered by OpenSeadragon
