| e-texts navigator |
| Wylie |
155a1 འཁྲུལ་མེད་དེ་སྐྱེ་མེད་ཀ་ནས་ཆོད།། གཅོད་བྱ་གཅོད་བྱེད་མེད་པས་འཁྲུལ་གཞི་རྩད་ནས་ཆོད།། མ་རིག་ཡེ་ནས་ཡེ་ཤེས་གསལ།། འཁོར་བ་ཉིད་ནི་མྱང་ངན་འདས།། འཁྲུལ་སྣང་རང་སར་གྲོལ་བས
155a2 ཆོས་ཉིད་གསལ།། སེམས་ཅན་སེམས་ཉིད་ཤེས་པས་ཡང་དག་སངས་རྒྱས་ཡིན།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས། འཁྲུལ་པ་རྩད་ནས་གཅོད་པའི་གདམས་ངག་བསྟན་པའི་ལེའུ་སྟེ་བཞི
155a3 པའོ།། །། དེ་ནས་ཀུན་རིག་གསལ་བའི་ཁྱེའུ་ཆུང་གིས།། སྟོན་པ་སྐྱེ་མེད་ཀ་དག་ཆོས་སྐུ་ལ།། འཁྲུལ་པ་ཆོད་ནས་འབྲས་བུ་ཇི་ལྟར་འཐོབ།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། བློས་བརྟགས
155a4 རེ་དོགས་འབྲས་བུ་ངས་མ་བསྟན།། ཐོབ་པ་མེད་པའི་འབྲས་བུ་འདི་ལྟར་ཐོབ།། འབྲས་བུའི་རྒྱལ་པོ་རང་སེམས་གདོད་ནས་དག། འབྲས་བུའི་རྒྱལ་པོ་ཐིག་ལེ་མཐོང་བརྡོལ་འཐོབ།། འབྲས་བུའི་རྒྱལ་པོ་ཐིག་ལེ
155a5 གསང་ལམ་ཡིན།། འབྲས་བུའི་རྒྱལ་པོ་སྐྱེ་མེད་ཀ་དག་ཡིན།། འབྲས་བུའི་རྒྱལ་པོ་དངོས་མེད་ཟང་ཀ་ཡིན།། འབྲས་བུའི་རྒྱལ་པོ་བྱར་མེད་བློ་འདས་ཡིན།། འབྲས་བུའི་རྒྱལ་པོ་མིང་མེད་མཐའ་སྟོང་ཡིན།། འབྲས
155a6 བུའི་རྒྱལ་པོ་སྐུ་གསུམ་རང་གནས་ཡིན།། འབྲས་བུའི་རྒྱལ་པོ་སྐུ་ལྔ་རང་ཆས་ཡིན།། འབྲས་བུའི་རྒྱལ་པོ་ཡེ་ཤེས་ཟང་ཐལ་ཡིན།། འབྲས་བུ་འདི་ལྟར་རང་གྲོལ་རང་སངས་རྒྱས།། ཞེས་གསུངས་སོ།། ཉི་ཟླ་བཀོད
iiif viewer powered by OpenSeadragon
