| e-texts navigator |
| Wylie |
154b1 བཞིན།། ཅིར་སྣང་དེར་འཛིན་མེད་པས་ཆོག། འཁྲུལ་རྒྱུ་ཡིད་རིག་རྩད་བཅད་པ།། རིག་མེད་གང་ལའང་བློ་མ་སྐྱེས།། དེ་ཡིས་རིག་པ་འཁྲུལ་རྩད་ཆོད།། སྣང་སྲིད་འཁོར་འདས་ཡོད་མེད་སོགས།། ཡུལ་སྣང་བཟང
154b2 ངན་གང་ལ་ཡང་།། མི་འགྱུ་མི་དཔྱོད་འཛིན་ཞེན་ཆོད།། དེས་ནི་ཡེངས་འཁྲུལ་རྩད་ནས་ཆོད།། སེམས་ཀྱི་འཁྲུལ་རྩད་བཅད་པ་ནི།། དངོས་པོ་རྣམ་པ་སྣ་ཚོགས་ལ།། མི་དཔྱོད་མི་སེམས་གཟུང་འཛིན་མེད།། གང
154b3 ཡང་སེམས་པ་མེད་པ་ནི།། ཐིག་ལེ་ཉག་གཅིག་རྡོ་རྗེའི་སྐུ།། འཁྲུལ་གཞི་ཀུན་གཞིའི་རྩད་གཅོད་ནི།། ཡེ་མེད་མིང་མེད་སྐྱེ་བ་མེད།། འདོད་རློམ་རྩིས་གདབ་བློ་ཡུལ་འདས།། གཏི་མུག་མ་རིག་བག་ཆགས
154b4 དང་།། སྒྲིབ་གཡོགས་ཞེས་བྱའི་མིང་ཡང་མེད།། དེ་ནི་འཁྲུལ་གཞི་རྩད་བཅད་པའོ།། འཁྲུལ་པའི་རྩ་བ་ཆོད་པ་ན།། ཡན་ལག་འཁྲུལ་པ་ཤུགས་ལ་ཆོད།། དུག་གསུམ་མ་སྤངས་སྐུ་གསུང་ཐུགས།། དུག་གསུམ
154b5 འཁྲུལ་པ་ཤུགས་ལ་ཆོད།། དུག་ལྔ་མ་སྤངས་སྐུ་ལྔར་གྲོལ།། འགྲོ་བ་རིགས་དྲུག་སྡུག་བསྔལ་བཅད།། དབང་པོ་ཐ་མའི་བཅད་ཐབས་སོ།། དབང་པོ་འབྲིང་གི་འཁྲུལ་བཅད་པ།། ཅིར་སྣང་རང་སར་གྲོལ་བས
154b6 ཆོད།། ཅི་སེམས་འཛིན་སེམས་མེད་པས་ཆོད།། སྙམ་བྱེད་འདོད་པ་མེད་པས་ཆོད།། རྩིས་གདབ་བློ་ཡི་ཡུལ་ལས་འདས།། དབང་པོ་འབྲིང་གི་བཅད་ཐབས་སོ།། དབང་པོ་རབ་ཀྱིས་བཅད་ཐབས་ནི།། འཁྲུལ་དང་མ
iiif viewer powered by OpenSeadragon
