| e-texts navigator |
| Wylie |
154a1 གནས་སྐྱེས་གླེན་ལྐུགས་སྡུག་བསྔལ་མྱོང་།། དེ་ལྟར་སེམས་ཅན་བྱོལ་སོང་གནས་སུ་འཁྲུལ།། གཞི་ལ་མེད་དེ་ང་རྒྱལ་སྐྱེས་པ་ལས།། ལྷ་མིན་གནས་སྐྱེས་འཐབ་རྩོད་སྡུག་བསྔལ་མྱང་།། གཞི་ལ་མེད
154a2 དེ་འདོད་ཆགས་སྐྱེས་པ་ལས།། ལྷ་ཡི་གནས་འཁྲུལ་ལྟུང་བའི་སྡུག་བསྔལ་མྱོང་།། གཞི་ལ་མེད་དེ་ཕྲག་དོག་སྐྱེས་པ་ལས།། མི་རུ་སྐྱེས་ནས་འགྱུར་བའི་སྡུག་བསྔལ་མྱང་།། དེ་ལྟར་འགྲོ་དྲུག་སེམས་ཅན་ཐམས་ཅད
154a3 འཁྲུལ།། དཔེར་ན་ཐག་སྦྲུལ་སྨིག་རྒྱུ་ཆུར་འཁྲུལ་འདྲ།། གཞི་ལ་མེད་དེ་རྣམ་རྟོག་འཛིན་པས་འཁྲུལ།། ཞེས་གསུངས་སོ།། ཉི་ཟླ་བཀོད་པའི་རྒྱུད་ལས། འཁྲུལ་ལུགས་བསྟན་པའི་ལེའུ་སྟེ་གསུམ་པའོ།། །། དེ
154a4 ནས་ཀུན་རིག་གསལ་བའི་ཁྱེའུ་ཆུང་གིས།། སྙིང་པོ་ཀ་དག་ཆོས་སྐུ་ལ། འཁྲུལ་པ་རྩད་གཅོད་གདམས་པ་གང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། དབང་པོ་རབ་འབྲིང་རྣམ་གསུམ
154a5 ལ།། འཁྲུལ་པ་གཅོད་ཟབས་རྣམ་པ་གསུམ།། ཐ་མའི་འཁྲུལ་པ་གཅོད་ཐབས་ནི།། འཁྲུལ་སྣང་ཡུལ་གྱི་རྩད་གཅོད་དང་།། འཁྲུལ་གཞི་ཀུན་གཞིའི་རྩད་གཅོད་དང་།། སེམས་དང་བག་ཆགས་རྩད་གཅོད
154a6 དོ།། འཁྲུལ་སྣང་ཡུལ་གྱི་རྩད་གཅོད་ནི།། དངོས་པོར་སྣང་བའི་ཡུལ་རྣམས་ལ།། དགག་བསྒྲུབ་སྤང་ལེན་མི་བྱ་སྟེ།། དབྱེ་བསལ་མེད་པར་རང་སར་བཞག། སྣང་ལ་རང་བཞིན་གྲུབ་པ་མེད།། དཔེར་ན་ཆུ་ཡི་ཟླ་བ
iiif viewer powered by OpenSeadragon
