| e-texts navigator |
| Wylie |
153a1 བྱ་ཅང་བདོག་གམ།། མིང་མེད་མཐའ་སྟོང་དོན་ནི་གང་གིས་རྟོགས།། མུ་མཐའ་ཡངས་པར་རྟོགས་པར་བྱེད་ཐབས་གང་།། བྱར་མེད་བློ་ལས་འདས་པའི་དོན་རྟོགས་ན།། བྱ་ཞིང་བཙལ་བའི་རྩོལ་བ་མི
153a2 འཚལ་ལམ།། ཐེག་པའི་ལྷ་སྒོམ་གྲུབ་པའི་མཐའ་མེད་པར།། ཡང་ཏི་ཡོ་ག་ཇི་ལྟར་རྟོགས་པར་འགྱུར།། བཅུ་རྩེ་ཡང་ཏིར་རིམ་དགུ་ཇི་ལྟར་རྫོགས།། ཡང་ཏིས་མ་བསྒྲུབས་འབྲས་བུ་ཇི་ལྟར་འཐོབ།། ཅེས་ཞུས
153a3 སོ།། ཉི་ཟླ་བཀོད་པ་ནམ་མཁའི་མཐའ་དང་མཉམ་པའི་རྒྱུད་ལས། གླེང་གཞི་ཕུན་སུམ་ཚོགས་པ་དང་། འཁོར་གྱིས་གླེང་བསླང་ཞུས་པའི་ལེའུ་སྟེ་དང་པའོ།། །། དེ་ནས་ཀུན་རིག་གསལ་བའི་ཁྱེའུ་ཆུང
153a4 གིས།། སྙིང་པོ་ཀ་དག་ཆོས་སྐུ་ལ།། སངས་རྒྱས་སེམས་ཅན་གཞི་ནི་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། གཞི་ལ་བྱེ་བྲག་མིང་མེད་ཀྱང་།། འཁོར་གྱི་རྟོག་པ་བསལ་ཕྱིར་བསྟན།། འཁོར
153a5 རྣམས་མ་ཡེངས་གུས་པས་ཉོན།། སངས་རྒྱས་སེམས་ཅན་གཉིས་ཀྱི་གཞི།། ཀུན་གཞི་མཁའ་ཀློང་ཡངས་པ་ཡིན།། ཡ་ཟ་རྒྱལ་བའི་དཀྱིལ་འཁོར་ནས།། མ་ཟ་དམྱལ་བའི་འཇིགས་ཚོགས་སུ།། མཐའ་ཡས་སེམས
153a6 ཅན་ཐམས་ཅད་ལ།། ཏིལ་ལ་མར་གྱིས་ཁྱབ་བཞིན་གནས།། དེ་ཡང་ཇི་ལྟར་གནས་ཞེ་ན།། རྒྱུ་རྐྱེན་འཕོ་འགྱུར་མེད་པར་གནས།། སྐྱེ་འགག་མཐའ་དབུས་མེད་པར་གནས།། ལྷུན་གྲུབ་རྒྱ་ཆད་ཕྱོགས་ལྷུང
iiif viewer powered by OpenSeadragon
