| e-texts navigator |
| Wylie |
151b1 མེད་དལ་བ་རང་ཐང་གྱི་ན་དངོས་པོ་གཤིས་ཀྱི་འདུག་ཚུལ་གནས་ལུགས་གནས་པའོ།། གང་སྣང་རང་གྲོལ་དགག་བསྒྲུབ་མེད་པ་སྤྱོད་པའི་མཆོག་ཅེས་གསུངས་སོ།། ག་ནི་ངང་གནས་རེ་མེད་བློ་འདས་ཀྱི་འབྲས
151b2 བུའོ།། དེ་ཕྱིར་སྠི་ཏི་ཡོ་ག་ནི།། ཐེག་པ་ཀུན་ལས་ཁྱད་པར་འཕགས།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། ཐོག་མར་བསྐྱེད་རྫོགས་སྠི་ཏི་མིང་གི་ངེས་དོན་བསྟན་པའི་ལེའུ་སྟེ་སོ་དྲུག
151b3 པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སྤྱི་ཏི་ལས་ནི་ཡང་ཏི་ཡོ་ག་གང་གིས་འཕགས།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། ཡང་ཏི་ཡོ་ག་ཁྱད་པར
151b4 འཕགས་ཚུལ་བཤད།། ཡང་ནི་མུ་མཐའ་གྲོལ་བའི་ལྟ་བའོ།། ཏི་ནི་གཏིང་མཐའ་ཡངས་པའི་སྒོམ་པའོ།། ཡོ་ནི་མིང་མེད་མཐའ་སྟོང་སྤྱོད་པའོ།། ག་ནི་ཐིག་ལེ་སྤྱི་བརྟོལ་འབྲས་བུའོ།། དེ་ཕྱིར་ཡང་ཏི་མན་ཆོད་ཐེག
151b5 པ་ཀུན་ལས་འཕགས།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། ཡང་ཏི་ཡོ་གའི་ངེས་ཚིག་བསྟན་པའི་ལེའུ་སྟེ་སོ་བདུན་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ
151b6 ལ།། རྒྱུད་འདིའི་མཚན་ནི་ཇི་ལྟར་གཟུང་།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། རྒྱུད་འདིའི་མཚན་གྱི་གཟུང་ཐབས་ནི།། རྒྱུད་རྣམས་ཐམས་ཅད་ཀུན་ལས་ཁྱད་པར་འཕགས་ཤིང་རྩེ་རྒྱལ་པས།།
iiif viewer powered by OpenSeadragon
