| e-texts navigator |
| Wylie |
151a1 ཡིན།། ཨ་ནུའི་གོང་བརྒལ་ཨ་ཏིའི་གཉའ་གཅོག་ཡིན། སྤྱི་ཡིས་ལྟ་བ་ཏི་ཡིས་བསྒོམ་པ། ཡོ་ཡིས་སྤྱོད་པ། ག་ཡིས་འབྲས་བུ་ཡིན་ནོ།། དེ་ལ་ཨ་ཏི་ཡོ་ག་ལས་ཁྱད་པར་གང་གིས་འཕགས་ཞེ་ན། སྠི་ཏི
151a2 ཡོ་ག་འཕགས་ཚུལ་ནི། སྤྱི་ནི་ཐེག་པ་དགུ་ཡི་སྤྱི་རྡོལ་ཏེ། སྐྱེ་མེད་ཀ་དག་ལྟ་བ་བསྟན། ཏི་ནི་ཐེག་དགུའི་ཏི་ཀ་འདི་ནས་སྟོན་པ་སྟེ། དངོས་མེད་ཟང་ཀའི་བསྒོམ་པ་བསྟན།། ཡོ་ནི་ཐེག་དགུའི་སྤྱོད་པའི་ཕྱགས་ཤིང
151a3 སྟེ།། བྱར་མེད་ལས་ཟིན་སྤྱོད་པ་བསྟན།། ག་ནི་ཆོས་སྐུའི་འབྲས་བུ་བཅུད་བསྡུས་ཏེ།། རེ་མེད་རང་གནས་རང་སངས་རྒྱས་པའི་འབྲས་བུའོ།། དེ་བཞིན་འོག་མ་རྣམས་ལས་ཁྱད་པར་འཕགས།། དེ་ཡང་ངོ་མཚར་ཆེ
151a4 ན་གང་གིས་སྤགས་ཞེ་ན།། སྤྲི་ཏི་ཡོ་ག་ཞེས་པས་འཕགས།། སྤྱི་ནི་བསྟན་མེད་ལྟ་བ་ཡིན།། ཏི་ནི་རྟོག་མེད་བསྒོམ་པ་ཡིན།། ཡོ་ནི་བྱར་མེད་སྤྱོད་པ་ཡིན།། ག་ནི་རེ་མེད་ཀྱི་འབྲས་བུ་ཡིན།། ཡང་ན་སྠི་ཏི་ཡོ་ག
151a5 ནི།། སྤྱི་གཏད་མེད་ཞེ་འདོད་མེད་པའི་ལྟ་བའོ།། ཏི་དམིགས་མེད་རྟོག་མེད་བསམ་དང་བྲལ་བའི་སྒོམ་པའོ།། ཡོ་ཡོ་ག་ཇི་ལྟར་སྣང་ཞིང་བཏགས་པའི་ཆོས་རྣམས་ལ།། གང་ལ་ཡང་མི་འགྱུ་མི་སྤྱོད་མི་ཆགས་མི་ཞེན
151a6 གཟུང་འཛིན་དགག་བསྒྲུབ་སྤང་ལེན་བཟང་ངན་དབྱེ་བསལ་རྩིས་གདབ་བཅོས་མེད་དེ། ཡོ་ནི་རྣལ་འབྱོར་སྐལ་ལྡན་མོས། སྤྱོད་པ་རྣལ་མ་ལ།། ལྐུགས་པ་སོ་མ་ཟང་ཀ་ལྷོད་པ་བག་ཡང་གོ་བདེ་བའོ།། ཅིར་ཡང་བྱར
iiif viewer powered by OpenSeadragon
