| e-texts navigator |
| Wylie |
150b1 ཚོཆོད་བཤད་མི་བྱ།། བསྐྱེད་རྫོགས་གསུམ་དང་སྤྱི་ཏི་ཡང་ཏི་བསྟན།། འཁོར་རྣམས་མ་ཡེངས་གུས་པས་ཉོན།། དེ་ལ་བསྐྱེད་པ་མ་ཧཱ་ཡོ་ག་ནི།། ལྷ་དང་ལྷ་མོར་བསྐྱེད་པའི་བསྐྱེད་པ་ཡིན།། མ་ནི་སྐྱེ་མེད་ཆོས་ཀྱི
150b2 སྐུ།། ཧཱ་ནི་ཆོས་རྣམས་ལྷ་དང་ལྷ་མོར་གསལ།། ཡོ་ནི་འགག་མེད་ཐབས་ཡིན་ཏེ།། ག་ནི་དམིགས་མེད་ཤེས་རབ་ཡུམ།། སྣང་སྲིད་ལྷ་དང་ལྷ་མོ་སྟེ།། དེ་སྣང་ལ་རང་བཞིན་མེད་པ་ཡིས།། ཐབས་དང་ཤེས་རབ
150b3 གཉིས་མེད་སྣང་སྟོང་དབྱེར་མེད་དོ།། རྫོགས་པ་ཨ་ནུ་ཡོ་ག་ནི།། སྙིང་པོ་དྲན་པ་ཙམ་གྱིས་ལྷར་རྫོགས་པས།། དེ་ཕྱིར་རྫོགས་པ་ཞེས་སུ་བཤད།། ཨ་ནི་སྐྱེ་མེད་དབྱིངས་ཀྱི་ཀློང་།། ནུ་ནི་འགག་མེད་ཡེ་ཤེས
150b4 གསལ།། ཡོ་ནི་དབྱིངས་དང་ཡེ་ཤེས་དབྱེར་མེད་དང་།། ག་ནི་སྣང་བ་དབྱིངས་དང་ཡེ་ཤེས་གཉིས་སུ་མེད།། དེ་ཕྱིར་ཨ་ནུ་ཡོ་གའོ།། རྫོགས་ཆེན་ཨ་ཏི་ཡོ་ག་ནི།། སྣང་སྲིད་རྫོགས་པས་རྫོགས་ཆེན་ཡིན།། ཨ་ཏི་ཡོ
150b5 གའི་མིང་གི་ངེས་ཚིག་ནི།། ཨ་ཨ་ནུ་སརྦ་དྷརྨ་ན་ཏ་ཐཱ་ག་ཏ་ཡ་ཞེས་པ་སྟེ།། གཟའ་གཏད་མེད་པའི་ལྟ་བ་བསྟན།། ཏི་ཏི་ཏ་ཞེས་པ་ནི། དམིགས་གཏད་མེད་པའི་བསྒོམ་པ་བསྟན། ཡོ་ཡོ་ག་ཙནྟ་ནི།། བྱ་རྩོལ་དང
150b6 དགག་བསྒྲུབ་མེད་པའི་སྤྱོད་པ་བསྟན།། ག་གརྦྷ་ཧྲྀ་ད་ཡ་ནི།། སྤང་ཐོབ་མེད་པའི་འབྲས་བུ་བསྟན།། དེ་ཕྱིར་ཨ་ཏི་ཡོ་ག་ཡིན།། དེ་ལས་ཁྱད་པར་འཕགས་པ་ནི།། དགུ་རྩེ་སྤྲི་ཏི་ཡོ་ག་ནི།། ཐེག་པ་དགུ་ཡི་དགུ་རྩེ
iiif viewer powered by OpenSeadragon
