| e-texts navigator |
| Wylie |
14b1 མ་ཡིན་ཡེ་ཤེས་དེ།། ད་ལྟ་མ་འོངས་རྗེས་འཇུག་ལ།། ཡེ་ཤེས་དོན་རྣམས་གསུང་དུ་གསོལ།། ཞེས་ཞུས་སོ།། སྟོན་པ་ཡེ་ཤེས་གསལ་བའི་དགོངས་པ་ལས་བཞེངས་ནས་བཀའ་སྩལ་པ། རིགས་ཀྱི་བུ་ཉོན་ཅིག། ངས
14b2 ཡེ་ཤེས་ཀྱི་དོན་མདོར་བསྡུས་ལ་བསྟན་ནོ།། ཡེ་ཤེས་ཀྱི་ངོ་བོ་དང་།། ཡེ་ཤེས་ཀྱི་ངེས་ཚིག་དང་། དབྱེ་བ་རྣམ་གྲངས་དང་བཅས་པ་དང་། མཚོན་དཔེ་དང་སྦྱར་ལ་བཤད་དེ། ཡེ་ཤེས་ཀྱི་ངོ་བོ་ནི་གསལ་ལ་མི་རྟོག
14b3 པའོ།། དེ་ཡང་རང་བཞིན་རྣམ་པར་དག་པ་གཞི་གནས་ཀྱི་ཡེ་ཤེས་དངོས་མེད་ཟང་ཐལ་ལོ།། སྐུ་དང་སྦྱར་ན་ཆོས་སྐུའོ།། རིག་པ་དང་སྦྱར་ན་ངོ་བོའོ།། རིགས་ཀྱི་བུ་འདུག་ཚུལ་འོད་དུ་གནས་པས། སྐུ་དང་སྦྱར་ན
14b4 གཟུགས་ཀྱི་སྐུའོ།། ཡེ་ཤེས་དང་སྦྱར་ན་མཚན་ཉིད་འཛིན་པའི་ཡེ་ཤེས་ལྔའོ།། སྣང་ཚུལ་ཕྱི་ནང་མེད་པར་སྣང་བས་སྒྲིབ་མེད་དུ་གསལ་བའི་ཡེ་ཤེས་སོ།། དེ་ཡང་རང་བཞིན་རྣམ་པར་དག་པས་རྟག་པའི་མཐའ་ལས
14b5 འདས། འདུག་ཚུལ་འོད་དུ་འདུག་པས་ཆད་པའི་མཐའ་ལས་འདས། སྣང་ཚུལ་ཕྱི་ནང་མེད་པས་གཟུང་འཛིན་གྱི་མཐའ་རྣམ་པར་དག་པ་ནི་ཡེ་ཤེས་ཀྱི་ངོ་བོའོ།། ངེས་ཚིག་ནི་ཡེ་ནས་ཡིན་པའི་དོན་དེ་མ་ནོར་བར
14b6 ཤེས་པས་ཡེ་ཤེས་སོ།། དབྱེ་བ་རྣམ་གྲངས་དང་བཅས་པ་ནི་རིག་པ་དངོས་མེད་ཡེ་དག་ཟང་ཐལ་ཆེན་པོ་དེ་ལས། འཁོར་འདས་ཐམས་ཅད་སྣང་བས་ན་གཞི་གནས་ཀྱི་ཡེ་ཤེས་སོ།། དེ་སྟོང་པར་གནས་པས་ན་ཆོས
iiif viewer powered by OpenSeadragon
