| e-texts navigator |
| Wylie |
14a1 ཆགས།། ཆོས་ཀྱི་དབྱིངས་ལ་ཡེ་ཤེས་ལྔ་ལས་ནི།། མ་རིག་ཡེ་ཤེས་དུག་ལྔར་འཁྲུལ།། ཆོས་ཀྱི་སྐུ་ཡི་རྩལ་ལས་ལོངས་སྐུ་དེ་ལས་ལུས་སུ་འཁྲུལ།། དེ་གཉིས་ཚོགས་པའི་རྩལ་ལས་ནི།། སྦྲུལ་སྐུ་དེ
14a2 ལས་ངག་ཏུ་འཁྲུལ།། ཕྱི་ཡི་ཆོས་དབྱིངས་མ་ཤེས་པས།། འགྲོ་བ་རིགས་དྲུག་སྣང་བར་ཤར།། དེ་ལྟར་འཁྲུལ་པས་ཁམས་གསུམ་སེམས་ཅན་ལ།། སྐུ་གསུམ་ཡེ་ཤེས་རྣམ་ལྔ་ལྷུན་གྱི་གྲུབ།། བག་ཆགས་སྦུབས་ན་སྐུ
14a3 གསུམ་གནས་པ་ལ།། བླ་མའི་གདམས་ངག་རྐྱེན་གྱིས་རྟོགས་པར་བྱ།། རྟོགས་པ་གོམས་ནས་དག་པའི་སྣང་བ་འཆར།། ཟག་བཅས་ལུས་དང་བྲལ་ན་རིན་ཆེན་སྦུབས་འཆར་ཏེ།། ལོངས་སྐུའི་འགྲོ་དོན་བྱས་ནས
14a4 ཆོས་སྐུར་གསལ།། དེ་ལས་སྐུ་གསུམ་ལྷུན་གྱིས་འགྲུབ།། རྒྱས་པར་འོག་ནས་འབྱུང་བས་ཤེས་པར་གྱིས།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞི་བསྡུས་སྟེ་བསྟན་པ་དང་དངོས་བཟུང
14a5 འི་ལེའུ་སྟེ་བརྒྱད་པའོ།། །། ཤེལ་གྱི་ཟ་མ་ཏོག་གིས་མ་ཐུབ་པར་གཡུའི་མཎྜལ་ལས་མཆོད་རྟེན་གྱི་གདངས་ཕྱི་རུ་ཕྱུང་བ་སྟེ། གཞིའི་མན་ངག་ལྷ་ཚོགས་ལྔ་ཤར་བའི་མན་ངག། ཨ་བྷི་ཏ་ད་ཀ་ན་པཉྩ་པྲ་པ་རཱ
14a6 པྲ་ར་ཀ་ལ་དྷཱ་ཨ་ཧ་ར། དེའི་ཚེ་སྟོན་པ་རྡོ་རྗེ་འཆང་ཆེན་པོ།། ཡེ་ཤེས་གསལ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཡང་དེའི་ཚེ་གསང་བའི་བདག་པོས་ཞུས་པ།། གོང་གསུངས་གཞི་སྣང་ཆེན་པོ་དེ།། གློ་བུར
iiif viewer powered by OpenSeadragon
