| e-texts navigator |
| Wylie |
149b1 འདམ་ནས་ཐོན་དུས་མེད།། དེ་ཕྱིར་བློས་བཏགས་བློ་འདས་གཉིས་ཀྱི་ཁྱད་པར་རོ།། དྲིལ་གྱིས་དྲིལ་ནས་བསྟན་པ་ནི།། བློ་འདས་མིང་མེད་རང་ལ་ཞེན་ཀྱང་བློ་ཆོས་ཡིན།། བློས་བཏགས་ཆོས་ཟད་ཞེན་ཅིང་ཆགས
149b2 པ་མེད་ན་བློ་འདས་ཡིན།། བློ་འདས་ཆོས་ནི་གཏིང་མཐའ་གྲོལ།། བློས་བཏགས་ཆོས་ནི་བློ་ཡི་བཏགས་ཤིང་གྲུབ་པའི་མཐའ་ལ་ཞེ་ན།། དེ་ཕྱིར་བློ་ཆོས་བློ་འདས་གཉིས་ཀྱི་ཁྱད་པར་རོ།། ཞེས་གསུངས་སོ།། ནམ
149b3 མཁའ་འབར་བའི་རྒྱུད་ལས། བློ་འདས་ཚིག་ཏུ་བཏགས་ཀྱང་མུ་མཐའ་གྲོལ་ཞིང་མིང་མེད་མཐའ་སྟོང་བློ་འདས་ཀློང་དུ་གྱུར་པའི་ལེའུ་སྟེ་སོ་གཉིས་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན
149b4 པ་ཀུན་གྲོལ་ལ།། སྣང་བཏགས་ཆོས་རྣམས་གང་དུ་བསྡུ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སྣང་བའི་ཆོས་རྣམས་སྟོང་པར་བསྡུ།། བློས་བཏགས་ཆོས་རྣམས་མིང་མེད་བློ་འདས་ངང་དུ
149b5 བསྡུ།། ཡང་ན་སྣང་སྲིད་ཆོས་རྣམས་རང་སར་གྲོལ་བར་བསྡུ།། མིང་བཏགས་ཆོས་རྣམས་བསྟན་དུ་མེད་པར་བསྡུ།། ཡང་ན་སྣང་བའི་ཆོས་རྣམས་བཟང་ངན་དགག་བསྒྲུབ་མེད་པར་བསྡུ།། བཏགས་ཆགས་མཚོན
149b6 བརྗོད་མེད་པར་བསྡུ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སྣང་བཏགས་བསྡུ་བའི་ལེའུ་སྟེ་སོ་གསུམ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། ཆོས
iiif viewer powered by OpenSeadragon
