| e-texts navigator |
| Wylie |
148b1 ནས་ཆོས་དང་སེམས་འདྲེས་ཙམ་ན། རིག་རླག་སེམས་མེད་ཡིད་ཀྱི་རྣམ་རྟོག་ཟད།། བྱ་བའི་ཡུལ་མེད་རྩོལ་བསྒྲུབ་སེམས་དང་བྲལ།། བློ་འདས་དོན་ལ་བློས་བཏགས་ཆོས་རྣམས་མེད།། ཅེས་གསུངས་སོ།། ནམ
148b2 མཁའ་འབར་བའི་རྒྱུད་ལས། བློ་བཏགས་ཆོས་རྣམས་མེད་པར་བསྟན་པའི་ལེའུ་སྟེ་སོ་གཅིག་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། བློས་བཏགས་ཆོས་དེ་ཚིག་གིས
148b3 བཏགས་མ་བཏགས། བཏགས་ན་བློ་འདས་ཆོས་དང་ཁྱད་པར་ཅང་བདོག་གམ། ཅི་སྟེ་ཞེ་ན་གཉིས་ཀ་ཚིག་གིས་མཚོན་ཅིང་མིང་དུ་བཏགས་པའི་ཕྱིར། ཞེས་སྟོན་པ་ལ་ཞུས་པ། སྟོན་པས་འཁོར་ལ་བཀའ་སྩལ་པ།
148b4 བློས་བཏགས་ཆོས་དང་བློ་འདས་མིང་མེད་གཉིས།། དེ་གཉིས་ཚིག་དང་དོན་ལ་ཁྱད་པར་ཆེ།། ཚིག་ཁྱད་དོན་ཁྱད་བསྟན་གྱིས་འཁོར་རྣམས་ཉོན།། འཁོར་གྱི་བློ་འདས་ཆོས་དེ་ཚིག་གིས་བཏགས་མ་བཏགས། ཞེས
148b5 དྲིས་པ་དེ་ཁྱེད་རང་འཁོར་གྱིས་དྲིས་ཤིང་ང་ཡིས་མཚོན་པ་ལས།། འཁོར་གྱི་རྟོག་པ་བསལ་ཕྱིར་གོ་བ་ལས།། བློ་འདས་ཚིག་ཏུ་བཏགས་པ་ལས།། བློ་འདས་ཉིད་ལ་མཚོན་བྱ་མཚོན་བྱེད་མེད།། བློ་འདས་ཉིད་ལ
148b6 ཚིག་གིས་གདགས་སུ་མེད།། མིང་མེད་བློ་འདས་དོན་ལ་མིང་ཚིག་བརྡའ་ཆད་མེད།། མིང་མེད་མཐའ་བྲལ་བློ་ཡི་སྤྱོད་ཡུལ་གྲོལ།། མུ་དང་མཐའ་གྲོལ་གཏིང་མཐའ་བརྗོད་པའི་ཐ་སྙད་ཚིག་གི་ཡུལ་ལས
iiif viewer powered by OpenSeadragon
