| e-texts navigator |
| Wylie |
147b1 བའི་རང་བཞིན་ཤེས་པ་མྱ་ངན་འདས།། རྟོགས་ལྡན་རྣམས་ལ་འཁོར་འདས་དབྱེར་མེད་ཅིང་།། འབྲེལ་མེད་མ་ཡིན་ཆོས་ཉིད་དབྱིངས་སུ་གཅིག། ཅེས་གསུངས་སོ།། ནམ་མཁའ་འབར་བའི་རྒྱུད་ལས། སངས་རྒྱས
147b2 སེམས་ཅན་གཞི་གཅིག་པར་བསྟན་པའི་ལེའུ་སྟེ་ཉེར་བརྒྱད་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། མ་རིག་ཡེ་ཤེས་ངོ་བོ་གཅིག་མི་གཅིག། མི་གཅིག་འབྲེལ་པ་མེད
147b3 ལགས་སམ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། མ་རྟོགས་མ་རིག་པ་ཡིན་ཀྱང་།། རྟོགས་ན་མ་རིག་མ་ཡིན་ཏེ།། དེ་ཕྱིར་རིག་པའི་ཡེ་ཤེས་ཡིན།། དེ་ཕྱིར་མ་རིག་ཡེ་ཤེས་ཐ་དད་མིན།། མ་རྟོགས
147b4 རྟོགས་པས་ལམ་འདིར་གཅིག། འབྲེལ་མེད་ཐ་དད་མ་ཡིན་ངོ་བོ་གཅིག། དཔེར་ན་ག་བུར་གཞི་གཅིག་ལ། ནད་ཚ་གྲང་རྐྱེན་གྱིས་ཐ་དད་གཉིས་སྣང་ཀྱང་།། ཐ་དད་བྱེ་བྲག་གཉིས་མེད་ག་བུར་ངོ་བོར་གཅིག། ཅེས
147b5 གསུངས་སོ།། ནམ་མཁའ་འབར་བའི་རྒྱུད་ལས། མ་རིག་ཡེ་ཤེས་ངོ་བོ་གཅིག་ལ་རྟོགས་མ་རྟོགས་ཀྱིས་ཐ་དད་པར་བསྟན་པའི་ལེའུ་སྟེ་ཉེར་དགུ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན
147b6 གྲོལ་སྟོན་པ་ལ།། འཁོར་འདས་གཉིས་ཀྱི་གྱེས་མདོ་གང་ཙམ་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། འཁོར་འདས་གཉིས་ཀྱི་གྱེས་མདོ་ནི།། ཤེས་དང་མ་ཤེས་གྱེས་མདོ་དང་།། འགྱུ་དང་མི
iiif viewer powered by OpenSeadragon
