| e-texts navigator |
| Wylie |
147a1 པ་འདྲ།། འདྲ་བཞི་ཡོད་པས་དཔེ་ཡི་ཐོག་ཏུ་བབས།། དངོས་གཞི་མེད་པས་དཔེས་ཀྱང་མཚོན་དུ་མེད།། འདྲ་བའི་སྒོ་ནས་དཔེ་དང་ཚུལ་བསྟུན་དགོས་པ་ཡོད།། ཅེས་གསུངས་སོ།། ནམ་མཁའ་འབར
147a2 བའི་རྒྱུད་ལས། སེམས་ཉིད་དཔེའི་སྒོ་ནས་བསྟན་ཅིང་གཏན་ལ་དབབ་པའི་ལེའུ་སྟེ་ཉེར་བདུན་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སངས་རྒྱས་སེམས་ཅན་གཞི
147a3 གཅིག་གམ།། གཅིག་ན་འཁོར་འདས་གཉིས་སུ་འོང་བ་ཇི་ལྟར་ཡིན།། མི་གཅིག་འཁོར་འདས་འབྲེལ་མེད་དམ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། གཞི་ལྔ་མཁའ་ཀློང་རྣམ་དག་ཀུན་གཞི་སྤྱི།
147a4 ས་རུ།། སངས་རྒྱས་སེམས་ཅན་གཞི་གཅིག་པས།། མཉམ་པ་ཉིད་དུ་གནས་པ་ཡིན།། དཔེར་ན་མཚོ་ལ་དར་ཆགས་འདྲ།། ཞེས་གསུངས་སོ།། དེ་ནས་འཁོར་གྱིས་སྟོན་པ་ཉིད་ལ་ཞུས་པ། གཅིག་ན་གཉིས་སུ་འོང་བ
147a5 ཅི་ཡིན་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སངས་རྒྱས་སེམས་ཅན་གཞི་གཅིག་ཀྱང་།། ཀུན་གཞིའི་རྣམ་ཤེས་གཞི་དེ་ལ།། འགྲུ་བ་རླུང་གི་རྒྱུ་ཉིད་ལས།། མ་རིག་སྒྲིབ་གཡོགས་རྐྱེན་བྱས་ནས།། མུན
147a6 པའི་འཁོར་སྒོ་གཉིས་སུ་འཁྲུལ།། གཞི་དེ་རྟོགས་དང་མ་རྟོགས་རྣམས་གཉིས་ལས།། སངས་རྒྱས་སེམས་ཅན་གཉིས་སུ་བྱུང་།། འཁོར་བ་མྱང་འདས་གཉིས་སུ་སྣང་།། སྣང་ཡང་འཁོར་འདས་འབྲེལ་ཡིན་ཏེ།། འཁོར
iiif viewer powered by OpenSeadragon
