| e-texts navigator |
| Wylie |
146b1 ཡིན།། སྙིང་པོ་མུ་མེད་མཐའ་བྲལ་གྱི་ཕུགས་སུ་སྒྲོལ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། ཕུགས་སུ་སྒྲོལ་བར་བྱེད་པའི་གདམས་པ་བསྟན་པའི་ལེའུ་སྟེ་ཉེར་དྲུག་པའོ།། །། དེ་ནས་རང་བྱུང
146b2 ང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། སེམས་ཀྱི་དཔེ་ནི་གང་དུ་བསྟན།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སེམས་ཀྱི་དཔེ་ནི་ནམ་མཁའ་བསྟན།། དངོས་མེད་སྟོང་གསལ་ཁྱབ་ལ
146b3 ཕྱོགས་རིས་མེད།། ཅེས་གསུངས་སོ།། དེ་ཡང་སྙིང་པོ་ཡན་ལག་སྣང་ཚུལ་འཁྲུལ་པའི་དཔེ་བསྟན་པ་དང་། ཞིང་ས་གསེར་དང་མཚོ་ལ་དར་ཆགས་གསུམ། ཀུན་གཞི་སྙིང་པོ་ཆོས་ཉིད་མཚོན་པའི་དཔེ་རུ་བསྟན།།
146b4 ཙན་དན་གླ་རྩི་སྒོག་པ་གསུམ། ཤུགས་འབྱུང་འགགས་མེད་རིག་པའི་དཔེ་རུ་བསྟན། འོད་དང་རྩལ་དང་ཟེར་གྱི་དཔེ་རུ་ནི། ཉི་མའི་སྙིང་པོ་འོད་དང་ཟེར་གྱི་དཔེ་རུ་བསྟན། མ་ངེས་ངོ་བོ་མི་འགྱུར་ག་པུར་དཔེ་བཞིན
146b5 བསྟན།། སྣང་ཚུལ་དཔེ་ནི་ཕུག་རོན་སྐད་བཞིན་ནོ།། འཁྲུལ་དཔེ་ཟག་པ་ཐོ་ཡོར་སྨིག་རྒྱུ་ལ།། སྦྲུལ་དང་མི་དང་ཆུར་འཁྲུལ་དཔེ་བཞིན་ནོ།། སེམས་ཉིད་རང་གྲོལ་སྦྲུལ་གྱི་མདུད་པའི་དཔེ།། འཁྲུལ་པ་ལྡོག་པའི་དཔེ
146b6 ནི། ལན་ཚྭ་ཆུར་ཐིམ་ཤ་བཙོན་གདོས་གྲོལ་འདྲ། སེམས་དང་ཆོས་འདྲེས་དཔེ་ནི། ཆུ་ལ་ཆུ་བུར་རང་ཐིམ་རྡོ་ཚན་ཁ་བ་འདྲ། མ་བུ་དབྱེ་བ་མེད་པའི་དཔེ་ནི། ཡུར་ཆུས་རྒྱ་མཚོར་སླེབས་དང་འདྲ།། ཆུ་དང་འོ་མ་འདྲེས
iiif viewer powered by OpenSeadragon
