| e-texts navigator |
| Wylie |
146a1 བཀོལ་པ་མེད་པའི་ཕུགས་སུ་སྒྲོལ།། འོད་འཕྲོ་འདུ་དང་འཕེལ་འགྲིབ་མེད་པའི་ཕུགས་སུ་སྒྲོལ།། མིང་མེད་མཐའ་སྟོང་ཕྲགས་སུ་སྒྲོལ།། མུ་མཐའ་གྲོལ་བའི་ཕུགས་སུ་སྒྲོལ།། གཏིང་མཐའ་ཡས་པའི
146a2 ཕུགས་སུ་སྐྱོལ།། མཐའ་བྲལ་བློ་འདས་ཀྱི་ཕུགས་སུ་སྐྱོལ།། ཡེངས་མེད་གཏིང་མེད་དངོས་མེད་སྟོང་པའི་ཕུགས་སུ་སྒྲོལ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཉིད་ཕུགས་སུ་སྒྲོལ་བའི
146a3 ལེའུ་སྟེ་ཉེར་ལྔ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། ཕུགས་སུ་སྐྱོལ་བར་བྱེད་པའི་གདམས་པ་གང་།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཕུགས་སུ
146a4 སྐྱོལ་བར་བྱེད་པའི་གདམས་པ་ནི།། མུ་མཐའ་གྲོལ་བའི་གདམས་ངག་ཡིན།། གཏིང་མཐའ་ཡས་པའི་གདམས་ངག་ཡིན།། མིང་མེད་མཐའ་སྟོང་གདམས་ངག་ཡིན།། སྐྱེ་མེད་ཀ་དག་གདམས་པ་ཡིན།། དངོས་མེད
146a5 ཟང་ཀའི་གདམས་པ་ཡིན།། གཤིས་ཀྱི་འདུག་ཚུལ་གདམས་པ་ཡིན།། དངོས་པོའི་གནས་ལུགས་ཤེས་བྱའི་བབས་ཀྱི་གདམས་པ་ཡིན།། སྙིང་པོ་ངེས་པ་དེ་ཁོ་ན་ཉིད་ཀྱི་གདམས་པ་ཡིན།། མ་ནོར་མ་བཅོས་དེ་ཁོ་ན
146a6 ཉིད་ཀྱི་གདམས་པ་ཡིན།། བྱར་མེད་བློ་འདས་གདམས་ངག་ཡིན།། རེ་མེད་རང་གནས་གདམས་ངག་ཡིན།། མིང་མེད་མཐའ་བྲལ་གདམས་ངག་ཡིན།། རྩད་ཆོད་བློ་འདས་རིག་མེད་ཆོས་ཕོར་གདམས་ངག
iiif viewer powered by OpenSeadragon
