| e-texts navigator |
| Wylie |
145a1 ཆེན་པོའི་ངང་དུ་འདུས།། སྣོད་བཅུད་སྣང་སྲིད་དངོས་པོའི་ཆོས་རྣམས་ཀུན།། མུ་མེད་གཏིང་མཐའ་གྲོལ་བར་བསྡུས།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། མདོ་དོན་གཅིག་ཏུ
145a2 བསྡུས་པའི་ལེའུ་སྟེ་ཉི་ཤུ་རྩ་གཉིས་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། སེམས་ཀྱི་ཟག་ནི་གང་དུ་བཅད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། སྐྱེ
145a3 མེད་མཚོན་དུ་མེད་པར་ཟག་བཅད་དོ།། སྙིང་པོ་འཕོ་འགྱུར་མེད་པར་ཟག་བཅད་དོ།། ཆོས་སྐུ་རྐྱེན་དང་བྲལ་བར་ཟག་བཅད་དོ།། དངོས་མེད་ཟང་ཀར་ཟག་བཅད་དོ།། བྱར་མེད་བློ་འདས་ཟག་བཅད་དོ།། མིང
145a4 མེད་བརྗོད་ལས་འདས་པར་ཐག་བཅད་དོ།། མུ་མཐའ་གྲོལ་བར་ཐག་བཅད་དོ།། གཏིང་མཐའ་ཡས་པར་ཐག་བཅད་དོ།། ཆོས་ཉིད་ཀ་དག་ཆེན་པོར་ཐག་བཅད་དོ།། དངོས་པོ་མེད་པར་ཐག་ཀྱང་བཅད།། ངོས
145a5 གཟུང་མེད་པར་ཐག་ཀྱང་བཅད།། ཡུལ་སེམས་མེད་པར་ཟག་ཀྱང་བཅད།། དགག་བསྒྲུབ་སྤང་ལེན་མེད་པར་ཐག་བཅད་དོ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཀྱི་ཟག་བཅད་པའི་ལེའུ
145a6 སྟེ་ཉི་ཤུ་རྩ་གསུམ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ཀྱི་ལ་ནི་གང་དུ་བཟླ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། སེམས་ཀྱི་ལ་ནི་ཆོས་ཉིད
iiif viewer powered by OpenSeadragon
