| e-texts navigator |
| Wylie |
144a1 ནི།། གང་སྣང་ཡུལ་རྣམས་རང་གྲོལ་སངས།། གང་སྐྱེས་རིག་པ་རང་རླགས་དང་།། གང་དྲན་དྲན་སེམས་རྩིས་གདབ་མེད་པར་ཞི།། དེ་གསུམ་ཇི་ལྟར་གྲོལ་ཞེ་ན།། སྣང་སྲིད་ཆོས་རྣམས་སྟོང་པར
144a2 གྲོལ།། ཡིད་རིག་དྲན་བློ་རང་བྱུང་རང་སར་གྲོལ།། སེམས་དེ་ཀུན་གཞིའི་ཀློང་ན་གྲོལ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སྣང་བ་སྟོང་པ་རིག་པ་གསུམ་དུ་ཆོས་རྣམས་གྲོལ་བར་བསྟན་པའི
144a3 ལེའུ་སྟེ་ཉི་ཤུ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། གྲོལ་བར་བྱེད་པའི་གདམས་ངག་ཇི་ལྟར་བཤད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ། སྣང་བ་རིག
144a4 པ་སྟོང་པ་གསུམ་དུ་གྲོལ་བའི་གདམས་ངག་ནི། དེ་ལ་སྣང་བའི་ཆོས་རྣམས་ཀུན།། རང་གནས་རང་སོར་དབྱེ་བསལ་མེད་པར་གྲོལ།། རིག་སྐྱེས་མྱང་བའི་ཆོས་རྣམས་ཀུན།། རིག་མེད་འཛིན་མེད་ཞེན་མེད་གསུམ་དུ
144a5 གྲོལ།། སྟོང་པ་ཀུན་གཞིའི་ཆོས་རྣམས་ཀུན།། བག་ཆགས་སྙོམས་བྱེད་སྒྲིབ་གཡོགས་མེད་པར་གྲོལ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། གྲོལ་བར་བྱེད་པའི་གདམས་ངག་བསྟན་པའི་ལེའུ་སྟེ
144a6 ཉི་ཤུ་རྩ་གཅིག་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ཀྱི་སྣང་ཚུལ་སྣ་ཚོགས་པ།། མདོ་དོན་གཅིག་ཏུ་ཇི་ལྟར་བསྡུ།། ཞེས་ཞུས་པ་དང་། སྟོན་པས་འཁོར་ལ
iiif viewer powered by OpenSeadragon
