| e-texts navigator |
| Wylie |
143b1 གསལ་ཀློང་ནས་གསལ་བའི་ཡེ་ཤེས་དང་། རང་བྱུང་དང་དངས་གསལ་བའི་ཡེ་ཤེས་དང་། རང་གསལ་རང་སངས་རྒྱས་པའི་ཡེ་ཤེས་དང་། རང་སྣང་རང་སར་གྲོལ་བའི་ཡེ་ཤེས་དང་ལྔའོ།། དེ་ནི་ཐེག་པ་གཞན་ནས
143b2 མ་བཤད་དེ། ཡང་ཏི་ཉི་ཟླའི་སྙིང་པོ་སྐུ་ལྔ་ཡེ་ཤེས་ལྔའོ།། རྟོགས་ལྡན་ལ་དུག་ལྔ་ཉོན་མོངས་ལྔ་མེད་དེ། ཡེ་ཤེས་ཀློང་ན་འཕྱོ་ཞེས་སོ།། མ་རྟོགས་དུག་ལྔས་ཁམས་གསུམ་འཁོར་བར་འཁྱམས། ཞེས་གསུངས
143b3 སོ།། ནམ་མཁའ་འབར་བའི་རྒྱུད་ལས། རྟོགས་པ་ལ་དུག་ལྔ་དང་སྐུ་ལྔ་དབྱེར་མེད་དུ་བསྟན་པའི་ལེའུ་སྟེ་བཅུ་དགུ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སྣང་བ་རིག་པ
143b4 སྟོང་པ་གསུམ་དུ་ཆོས་རྣམས་ཇི་ལྟར་གྲོལ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། སྣང་ཚད་ཡེ་ནས་རང་སོ་ལ།། དགག་བསྒྲུབ་སྤང་ལེན་མེད་པར་རང་སར་གྲོལ།། འགྱུ་བ་མེད་པའི་རིག་ཡིད
143b5 ལ།། ཇི་ལྟར་སྣང་བའི་དངོས་པོའི་ཆོས་རྣམས་ལ།། མི་འགྱུ་མིང་གི་མི་དྲན་སེམས་མི་འཆར།། རིག་ཡིད་རྒྱ་ལ་འགྱུ་ཡང་དང་དངས་རང་སར་གྲོལ།། གང་སྐྱེས་རང་སར་ཐིམས་པས་འཁྲུལ་པ་རྩད་ནས་བཅད།། རིག
143b6 པས་རྩད་ནས་བཅད་པའོ།། ཀུན་གཞི་རྩད་ནས་བཅད་པ་ནི། སྟོང་གསལ་དངོས་མེད་བག་ཆགས་སྒྲིབ་གཡོག་མེད།། འདོད་རློམ་རྩིས་གདབ་མེད་དེ་སེམས་ཉིད་རྩད་ནས་བཅད།། དེ་གསུམ་དྲིལ་ནས་བསྟན་པ
iiif viewer powered by OpenSeadragon
