| e-texts navigator |
| Wylie |
143a1 སྟོན་པ་ཀུན་གྲོལ་ལ།། དབྱིངས་དང་ཡེ་ཤེས་སྐྱོ་མེད་གསུམ་ལ་ཁྱད་པར་ཡོད་དམ་མེད།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། དེ་གསུམ་དོན་ལ་ཁྱད་པར་མེད།། མིང་དང་བྱེ་བྲག
143a2 ཁྱད་པར་ཡོད།། དབྱིངས་ནི་ཆོས་ཉིད་འདུས་མ་བྱས།། སྐྱེ་མེད་སྙིང་པོ་ཆོས་ཀྱི་སྐུ།། ཡེ་ཤེས་ཡེ་ཤེས་ཞེས་བྱ་བ།། ཡེ་ནས་ཡོད་པའི་ཤེས་པ་ཡི།། གསལ་འགྲིབ་མེད་པའི་ཤེས་པ་ཡིན།། ཞེས་གསུངས་སོ།། ནམ
143a3 མཁའ་འབར་བའི་རྒྱུད་ལས། དབྱིངས་དང་སྐྱེ་མེད་ཡེ་ཤེས་གསུམ་ལ་ཁྱད་པར་མེད་པར་བསྟན་པའི་ལེའུ་སྟེ་བཅོ་བརྒྱད་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སྐུ་ལྔ་ཡེ
143a4 ཤེས་ལྔ་དང་དུག་ལྔ་ཉོན་མོངས་ལྔ་ལ་ཁྱད་པར་ཡོད་དམ་མེད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། རྟོགས་ཤིང་གྲོལ་བའི་དུས་ན་ཁྱད་པར་མེད།། མ་རྟོགས་པ་ལ་ཁྱད་པར་ཆེ།། ཞེས་གསུངས་སོ།།
143a5 དེ་ནས་ཡང་འཁོར་གྱིས་ཞུས་པ།། རྟོགས་པའི་སྐུ་ལྔ་ཡེ་ཤེས་ལྔ་ནི་ཇི་ལྟར་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། སྐུ་ལྔའི་དབྱེ་བ་བཤད་པ་ནི། སྙིང་པོ་གཏིང་མཐའ་ཡས་པའི་སྐུ་དང་།
143a6 སྔོན་ཐོག་མིང་མེད་མཐའ་བྲལ་གྱི་སྐུ་དང་། ཡེ་དག་ཀ་དག་སྐྱེ་བ་མེད་པའི་སྐུ་དང་། དངོས་མེད་ཟང་ཀའི་སྐུ་དང་། བྱར་མེད་བློ་འདས་ཀྱི་སྐུ་དང་ལྔའོ།། ཡེ་ཤེས་ལྔ་ལ་ཀ་དག་སྐྱེ་བ་མེད་པའི་ཡེ་ཤེས་དང་། འོད
iiif viewer powered by OpenSeadragon
