| e-texts navigator |
| Wylie |
142b1 པས་སངས་རྒྱས་པའི་ལེའུ་སྟེ་བཅོ་ལྔའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་དང་རིག་པ་ཡིད་དང་གསུམ་ལ་ཁྱད་པར་ཡོད་དམ་མེད། ཅེས་ཞུས་པས། སྟོན་པས
142b2 འཁོར་ལ་བཀའ་སྩལ་པ།། འཁོར་གྱི་དྲི་བ་གསུམ་པོ་དེ།། གཞི་ལ་འདྲི་འམ་རྩལ་ལ་འདྲི།། གཞི་ལ་འདྲི་ན་དེ་གསུམ་ངོ་བོ་གཅིག་སྟེ་ཁྱད་པར་མེད།། རྩལ་ལ་འདྲི་ན་ཁྱད་པར་ཡོད།། བཟང་ངན་ཡོད་པ་མ་ཡིན
142b3 ཏེ།། ཚོགས་པ་རགས་མི་རགས་སུ་ཡོད།། རིག་པ་སྐྱེ་མེད་མྱོང་བ་ཡོད།། ཡིད་དུ་འགྱུ་བས་དྲན་པ་འབྱུང་།། སེམས་སུ་གསལ་བས་མིང་དུ་བཏགས།། བཏགས་ལ་ཞེན་པས་དགའ་མི་དགའ་རུ་སྐྱེ། ཞེས་གསུངས
142b4 སོ།། ནམ་མཁའ་འབར་བའི་རྒྱུད་ལས། སེམས་དང་རིག་པ་ཡིད་དང་གསུམ་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། སྙིང་པོ་ཆོས་ཉིད་ཆོས
142b5 སྐུ་གསུམ་ལ་ཁྱད་པར་ཡོད་དམ་མེད།། ཞུས་པས། སྟོན་པས་འཁོར་ལ་བཀའ་སྩལ་པ།། དེ་གསུམ་གཞི་ལ་ཁྱད་པར་མེད།། ཡན་ལག་རྩལ་དང་མིང་འདོགས་ལ།། མིང་གི་བྱེ་བྲག་ཁྱད་པར་ཡོད།། སྙིང་པོ་ཆོས་ཉིད
142b6 དབྱིངས་ལ་ཁྱད་པར་མེད།། ཅེས་གསུངས་སོ།། ནམ་མཁའ་འབར་བའི་རྒྱུད་ལས། དེ་གསུམ་གཞི་ལ་ཁྱད་པར་མེད་པར་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་རང་བྱུང་དང་དངས་ཀྱིས།། མིང་མེད
iiif viewer powered by OpenSeadragon
