| e-texts navigator |
| Wylie |
142a1 གསུངས་སོ།། མ་རྟོགས་པ་ལ་དྲི་བ་ན།། ཁམས་གསུམ་སེམས་ཅན་ཐམས་ཅད་ལ། དུག་ལྔ་དུག་གསུམ་རང་ཆས་ལྡན།། དེ་ཡིས་འགྲོ་དྲུག་འཁོར་བར་འཁྱམས།། ཞེས་གསུངས་སོ།། ནམ་མཁའ
142a2 འབར་བའི་རྒྱུད་ལས། དུག་ལྔ་རྟོགས་པ་ལ་མེད་ཅིང་མ་རྟོགས་པ་ལ་ཡོད་པར་བསྟན་པའི་ལེའུ་སྟེ་བཅུ་གསུམ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ལ་དབྱིབས
142a3 དང་ཁ་དོག་ཡོད་དམ་མེད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། སེམས་ལ་དབྱིབས་དང་ཁ་དོག་མེད།། སེམས་ལ་གཟུགས་དང་མཚན་མ་མེད།། སེམས་ལ་ཡོད་མེད་རྩིས་གདབ་མེད།། ཡོད་པར
142a4 མཐོང་བ་འཁྲུལ་པའི་བློ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས།། སེམས་ལ་དབྱིབས་དང་ཁ་དོག་མེད་པར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་རང་བྱུང་དང་དངས་ཀྱིས།། མིང
142a5 མེད་ཀུན་གྲོལ་སྟོན་པ་ལ།། སེམས་འདི་རྟོགས་པས་སངས་རྒྱས་སམ།། ཞུས་པས། སྟོན་པས་འཁོར་ལ་བཀའ་སྩལ་པ།། སེམས་འདི་རྟོག་པ་དང་བཅས་པའི།། དྲན་སེམས་འདི་ཡིས་སངས་མི་རྒྱ།། སེམས་ཉིད་ཆོས
142a6 སྐུ་ཡིན་པའི་ཕྱིར།། སེམས་ཉིད་རྟོགས་པས་སངས་རྒྱས་སོ།། སྔོན་གྱི་རྒྱལ་བ་རྣམས་ཀྱིས་ཀྱང་།། སེམས་ཉིད་རྟོགས་པས་སངས་རྒྱས་སོ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཉིད་རྟོགས
iiif viewer powered by OpenSeadragon
