| e-texts navigator |
| Wylie |
141b1 རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ལ་གཏི་མུག་ཡོད་དམ་མེད།། གཏི་མུག་མེད་ན་ཡེ་ཤེས་མི་འཆར་ཅི་ཡིས་ཉེས།། ཡོད་ན་ཡེ་ཤེས་འཆར་རམ་ཞེས་ཞུས་པས།། སྟོན་པས་འཁོར་ལ
141b2 བཀའ་སྩལ་པ།། འཁོར་གྱི་དྲི་བ་གཉིས་པོ་དེ།། ཤེས་དང་མ་ཤེས་གང་ལ་འདྲི།། ཤེས་པ་དག་ལ་འདྲི་བ་ན།། རང་སེམས་ཤེས་པའི་འོད་གསལ་དང་།། གཏི་མུག་མ་རིག་ཡེ་ནས་མེད།། ཀ་དག་ཡེ་ཤེས་འོད་འབར
141b3 གསལ།། དེ་ལ་བག་ཆགས་སྒྲིབ་གཡོགས་མེད།། མ་ཤེས་པ་ལ་འདྲི་བ་ན།། རང་ངོ་མ་ཤེས་མ་རིག་པས།། གཏི་མུག་བག་ཆགས་སྒྲིབ་པས་བསྒྲིབས།། ཡེ་གསལ་མ་རྟོགས་མུན་པའི་འཁོར་སྒོར་ཆུད།། ཅེས་གསུངས
141b4 སོ།། ནམ་མཁའ་འབར་བའི་རྒྱུད་ལས། རང་ངོ་ཤེས་པ་ལ་མ་རིག་གཏི་མུག་མེད་པར་བསྟན་པའི་ལེའུ་སྟེ་བཅུ་གཉིས་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ལ
141b5 དུག་ལྔ་དུག་གསུམ་ཡོད་དམ་མེད།། ཡོད་ན་སྤངས་ཀྱང་མི་སྤོང་པ་རུ་འདུག། མེད་ན་འགྲོ་དྲུག་སེམས་ཅན་འཁོར་བར་འཁྱམས་པ་མི་རིགས་སོ།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། འཁོར་གྱི་དྲི
141b6 བ་གཉིས་པོ་དེ།། རྟོགས་དང་མ་རྟོགས་གང་ལ་འདྲི།། རྟོགས་པ་ལ་ནི་འདྲི་བ་ན།། དུག་ལྔ་དུག་གསུམ་མ་སྤངས་རང་གྲོལ་བས།། དུག་གསུམ་ཀ་དག་སྐུ་གསུང་ཐུགས།། དུག་ལྔ་མིང་མེད་ཡེ་ཤེས་ལྔ།། ཞེས
iiif viewer powered by OpenSeadragon
