| e-texts navigator |
| Wylie |
140b1 བའི་ཕྱིར།། སྣང་སྲིད་དངོས་པོའི་ཆོས་རྣམས་གཞིའི་རྩལ་དུ་ཤར།། ཞེས་གསུངས་སོ།། ནམ་མཁའ་འབར་བའི་རྒྱུད་ལས།། སེམས་ཀྱི་གཞི་ལ་དངོས་པོ་མེད་པ་ལ། རྩལ་ལ་དངོས་པོ་ཡོད་པར་བསྟན་པའི་ལེའུ་སྟེ།
140b2 དགུ་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། སེམས་ལ་འཁྲུལ་པ་ཡོད་དམ་མེད།། འཁྲུལ་ཡོད་སེམས་དེ་སྐྱོན་དུ་འགྱུར།། སོལ་བ་ནག་པོའི་དཔེ་བཞིན་ནོ།། སེམས་ལ
140b3 འཁྲུལ་པ་མེད་པ་ལ།། སེམས་ཅན་ཐམས་ཅད་གྲོལ་བར་རིགས།། དེ་གཉིས་འཕྲད་དེ་ཇི་ལྟར་བསལ།། ཞེས་སྟོན་པ་ལ་ཞུས་པས། སྟོན་པས་འཁོར་ལ་བཀའ་སྩལ་པ།། སེམས་ཀྱི་གཞི་ལ་འཁྲུལ་པ་མེད།། རྩལ་ལ
140b4 འཁྲུལ་སྣང་ལྟར་སྣང་ཀྱང་།། སེམས་ཀྱི་གཞི་ལ་གོས་པ་མེད།། དཔེར་ན་མན་ཤེལ་དག་པའི་ནང་།། དཀར་དམར་སྨན་དུག་བཟང་ངན་གང་སྣང་ཡང་།། ཤེལ་གྱི་གཞི་ལ་གང་ཡང་གྲུབ་པ་མེད།། སྨན་དུག་སྣང་ལ
140b5 གྲུབ་པ་མེད།། སྨན་མི་སྒྲུབ་ལ་དུག་མི་སྤང་།། ཤེལ་གོང་ནང་དུ་གཉིས་ཀ་དག། དེ་བཞིན་སེམས་ཀྱི་གཞི་ལ་ཡང་།། འཁྲུལ་སྣང་ཅིར་ཡང་སྣང་མོད་ཀྱང་།། བཟང་པོ་མི་བསྒྲུབ་ངན་མི་སྤང་།། སེམས་ཉིད་ཀ་དག་དང
140b6 དུ་འཁྲུལ་པ་དག། འཁྲུལ་སྣང་རང་བཞིན་མེད་དེ་སེམས་སུ་དག། ཅེས་གསུངས་སོ།། ནམ་མཁའ་འབར་བའི་རྒྱུད་ལས།། འཁྲུལ་པ་གཞི་ལ་མེད་པར་བསྟན་པའི་ལེའུ་སྟེ་བཅུ་པའོ།། །། དེ་ནས་རང་བྱུང་དང
iiif viewer powered by OpenSeadragon
