| e-texts navigator |
| Wylie |
140a1 པ།། སེམས་དེ་རྟོགས་པ་མངོན་དུ་གྱུར་པའི་སངས་རྒྱས་མིན།། སེམས་དེ་གཞི་ནས་ལྷུན་གྲུབ་སངས་རྒྱས་ཡིན།། གཞི་རང་བཞིན་ལྷུན་གྱིས་གྲུབ་པ་ལ།། རྩལ་དང་རིག་པ་ཟེར་འཁྲུལ་པས།། དུག་ལྔ
140a2 ཉོན་མོངས་མ་རིག་དབང་གིས་སེམས་ཅན་འཁྲུལ།། སུས་ཀྱང་མ་ལན་རང་ངོ་མ་ཤེས་ཉེས།། སངས་རྒྱས་གཞན་ནས་མི་འཚོལ་ཏེ།། སེམས་ཉིད་རྟོགས་པས་སངས་རྒྱས་ཡིན།། འཁོར་བར་ངོ་ཤེས་མྱ་ངན
140a3 འདས།། སེམས་ཉིད་ངོ་ཤེས་འཁྲུལ་དུ་མེད།། ཅེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་དེ་ཡེ་ནས་སངས་རྒྱས་ཡིན་ཀྱང་མ་རྟོགས་པས་གཞི་ལྷུན་གྲུབ་ལ་འཁྲུལ་པ་བསྟན་པའི་ལེའུ་སྟེ་བརྒྱད
140a4 པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ལ་ཡེ་ནས་དངོས་པོ་ཡོད་དམ་མེད།། དངོས་པོ་ཡོད་ན་སེམས་དེ་རྟག་པར་ཐལ།། དངོས་པོ་མེད་ན་ཆད་པར་ལྷུང་།། དེ
140a5 ཉིད་ངོ་བོ་ཇི་ལྟར་ལགས།། ཞེས་ཞུས་པས། སྟོན་པས་འཁོར་ལ་བཀའ་སྩལ་པ།། ཁྱོད་ཀྱིས་ང་ལ་དྲིས་པ་ནི།། གཞི་ལ་འདྲི་འམ་རྩལ་ལ་འདྲི།། ཆོས་ཉིད་གཞི་ལ་འདྲི་བ་ན།། སེམས་ཀྱི་གཞི་ལ་དངོས་པོ
140a6 མེད།། སེམས་ཀྱི་གཞི་ལ་གཟུགས་སུ་མེད།། སེམས་ཀྱི་གཞི་ལ་ཁ་དོག་མེད།། སེམས་དེ་ཅང་མེད་དངོས་མེད་ཐ་སྙད་མེད།། ཅེས་གསུངས་སོ།། རྩལ་ལ་དྲིའོ་ཟེར་བ་ན།། མཚན་ཉིད་མ་འགགས་སྣ་ཚོགས་འཆར
iiif viewer powered by OpenSeadragon
