| e-texts navigator |
| Wylie |
13b1 ཕྱེ།། རྩལ་ནི་མ་ངེས་གང་འགྱུ་ངེས་པ་མེད།། དཔེར་ན་ནོར་བུ་རིན་ཆེན་ཡོན་ཏན་ལྷུན་གྲུབ་སྟེ།། བསོད་ནམས་ཆེ་ཆུང་གཉིས་ཀྱི་རྐྱེན་གྱིས་ནི།། དགོས་པ་བཟང་སྣང་ངན་སྣང་ངེས་པ་མེད།། དེ་ལྟ་བུ་ཡི་གཞི་དེ
13b2 ནི།། ཐ་མལ་རང་རྒྱུད་ད་ལྷའི་ཤེས་པ་ལ།། ངོ་ཡིས་ཙིར་གྱིས་བཟུང་བར་ང་ཡིས་བསྟན།། དེ་ལྟར་གཞི་ཉིད་ངེས་པར་ཤེས་གྱུར་ན།། ལྟ་སྒོམ་སྤྱོད་འབྲས་ངེས་པ་དུས་གཅིག་འཆར།། ཀུན་ལ་སྤེལ་བའི་སྣོད་མི
13b3 ལྡན།། ཐེག་པ་གཞན་དུ་དེ་ལྟར་བསྟན་པ་མེད།། གཞི་ཡི་ངོ་བོ་མ་བཅོས་མ་བསླད་ཅིང་།། སོ་མ་རང་བྱུང་དངོས་པོའི་གནས་ལུགས་ལས།། རང་རྩལ་མི་འགགས་དང་པོ་གཞི་རུ་འཆར།། དང་པོ་གཞི་ལས་རྩལ་དེ
13b4 གཡོ་ཙམ་འབྱུང་།། གཡོ་མི་གཡོ་ལས་ཡིད་ཙམ་གཡོས།། དེ་ལས་ཤེས་པ་རྩལ་འགྲུས་པ།། རང་གཟུགས་འོད་དུ་སྣང་བ་མཐོང་།། ཚོར་བས་ཡར་ཆད་མར་ཆད་བྱུང་།། ཡར་ཆད་རང་སྣང་འཛིན་མེད་ཀྱིས།། རྡོ་རྗེ
13b5 འཆང་ཆེན་ཡར་ལ་གྲོལ།། མར་ཆད་འཛིན་པ་བརྟས་པ་ཡིས།། འགྲོ་དྲུག་སེམས་ཅན་མར་ལ་འཁྲུལ།། འཁྲུལ་པ་རྟོག་པའི་བྱེ་བྲག་རྣམས།། རྒྱས་པར་འོག་ནས་གསལ་བར་བསྟན།། སྣང་བ་རང་སྣང་འཛིན་མེད་མ
13b6 ཤེས་པས།། ལྷན་ཅིག་སྐྱེས་པའི་མ་རིག་པ་རུ་བྱུང་།། དེ་ལ་བརྟགས་པས་ཀུན་བརྟགས་མ་རིག་ཡིན།། དེ་ལྟར་རྒྱུ་གཉིས་རྐྱེན་ནི་བཞི་རུ་བྱུང་།། ཕྱི་ནང་སྣོད་བཅུད་དག་ཏུ་ནི།། ཡེ་ཤེས་དང་ནི་སེམས་ཅན་གཉིས་སུ
iiif viewer powered by OpenSeadragon
