| e-texts navigator |
| Wylie |
13a1 བའོ།། འགྱུར་མེད་ཀྱི་ཀློང་ཟེར་ན་ཆོས་ཉིད་ལ་ཁ་གཏིང་མེད་པའོ།། ཞེས་གསུངས་སོ།། སྤྲོས་བྲལ་དོན་གསལ་ཆེན་པོའི་རྒྱུད་ལས། གཞི་དངོས་པོའི་གནས་ལུགས་དང་སྣང་ཚུལ་མཚོན་པའི་ཚིག་ངོས
13a2 བཟུང་བའི་ལེའུ་སྟེ་བདུན་པའོ།། །། གསང་བའི་བདག་པོས་ཡང་ཞུས་པ།། ཀྱེ་ཀྱེ་རྡོ་རྗེ་འཆང་ཆེན་པོ།། གཞི་ཉིད་རྒྱས་པར་བཤད་པ་དེ་ལགས་ན། གཞི་ཉིད་བསྡུས་ནས་བཤད་པ་དང་། དེ་དོན་ངོས་བཟུང
13a3 བསྟན་པ་དང་། དེ་ལ་འཁྲུལ་རྟོག་འཆར་ལུགས་དང་། ཡར་ལ་ཇི་ལྟར་གྲོལ་ལུགས་དང་། གྲོལ་ནས་ཐིམ་དུས་བཤད་པར་ཞུ།། དེ་སྐད་ཅེས་ནི་ཞུས་པ་དང་།། རྡོ་རྗེ་འཆང་གིས་བཀའ་སྩལ་པ།། དང་པོ་གཞི་ཡི་བསྡུས
13a4 དོན་ནི།། གཞི་ཉིད་མ་བཅོས་མ་བསླད་པ།། རིག་པ་གསལ་བས་ནམ་མཁའ་ལྟ་བུར་མེད།། དངོས་པོར་མ་གྲུབ་བེམ་པོ་མེད།། རིག་པ་གསལ་སྟོང་གཉིས་མེད་ཟང་ཐལ་ཡིན།། རིག་པ་རླུང་བཞིན་འགྱུ་ཞིང་སྤྱོད་པར
13a5 ནུས།། རྟག་ཆད་ལ་སོགས་མཐའ་བརྒྱད་དག་དང་བྲལ། རྟོགས་དང་མ་རྟོགས་ཤན་མ་ཕྱེད། རིག་དང་མ་རིག་ཡེངས་དང་མ་ཡེངས་དང་། ཡིན་མིན་གང་གི་འཛིན་པ་མ་ཞུགས་སྟེ།། གོང་གི་མིང་དང་བརྡའ་རུ
13a6 བཏགས་པ་མེད།། ཤེས་རིག་ཙམ་དུ་ཡོད་ཀྱང་དེར་མ་ཤེས།། ཐམས་ཅད་ལྷུན་གྱིས་གྲུབ་ཀྱང་འབྱུང་མ་ནུས།། གཞི་ཡི་ངོ་བོ་རང་བྱུང་སྟོང་གསལ་དག་ཏུ་ངེས་པ་ལ།། ངེས་པའི་ཤེས་པ་ཤར་དང་མ་ཤར་གཉིས་མ
iiif viewer powered by OpenSeadragon
