| e-texts navigator |
| Wylie |
139b1 ཡིས་རྟག་པའི་མཐའ་སེལ་ལོ།། རྩལ་ལ་མ་འགགས་རོལ་པ་སྣ་ཚོགས་ཤར།། འོད་གསལ་ཡན་ལགས་རང་སྣང་བས།། དེ་ཡིས་ཆད་པའི་མཐའ་སེལ་ལོ།། སེམས་ཉིད་གཞི་ལ་རྩལ་ཐིམ་པས།། རྟག་ཆད་གཉིས
139b2 མེད་མཐའ་སེལ་ལོ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཡོད་མེད་གཉིས་མེད་དུ་བསྟན་པའི་ལེའུ་སྟེ་དྲུག་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ
139b3 ལ།། སེམས་འདི་ཡེ་ནས་སངས་རྒྱས་ཡིན་ནམ་མིན།། ཡིན་ན་སེམས་འདི་ཡེ་ནས་ཇི་ལྟར་འཁྲུལ།། མིན་ན་འཁོར་བ་ལྟེ་ཆད་འགྱུར།། ཞེས་ཞུས་པས།། སྟོན་པས་འཁོར་ལ་བཀའ་སྩལ་པ།། སེམས་འདི་ཡེ་ནས
139b4 སངས་རྒྱས་ཡིན་མོད་ཀྱང་།། རྟོག་པའི་དབང་གིས་འཁོར་བར་འཁྱམས།། མ་རིག་དབང་གིས་འཁོར་བར་སྣང་།། འཁོར་བ་ལྟེ་བ་ཆད་པ་མ་ཡིན་ཏེ།། འཁོར་བ་རྩད་ཆོད་མྱ་ངན་འདས།། ཞེས་གསུངས་སོ།། ནམ
139b5 མཁའ་འབར་བའི་རྒྱུད་ལས། སེམས་ཡེ་ནས་སངས་རྒྱས་ཡིན་ཀྱང་དུག་ལྔ་མ་རིག་པའི་དབང་གིས་འཁོར་བའི་ལེའུ་སྟེ་བདུན་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་སྟོན་པ་ཀུན་གྲོལ་ལ།། ཡེ
139b6 ནས་སངས་རྒྱས་ཡིན་ན་སེམས་ཅན་ཇི་ལྟར་འཁྲུལ།། སངས་རྒྱས་འཁྲུལ་ན་ཐུག་པ་མེད།། སེམས་དེ་སངས་རྒྱས་མིན་ན་སངས་རྒྱས་གང་ནས་འཚོལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ
iiif viewer powered by OpenSeadragon
