| e-texts navigator |
| Wylie |
139a1 གཡོགས་མུན་པ་འཇོམས་པའི་ཕྲིན་ལས་བྱེད།། དུག་ལྔ་རང་སར་གྲོལ་བའི་ཕྲིན་ལས་མཛད།། སེམས་ཅན་སངས་རྒྱས་བསྐུར་བའི་ཕྲིན་ལས་མཛད།། འཁྲུལ་གཞི་རྩད་ནས་གཅོད་པའི་ཕྲིན་ལས
139a2 མཛད།། འཁྲུལ་སྣང་རང་སར་གྲོལ་བའི་ཕྲིན་ལས་མཛད།། སྣང་བའི་དངོས་གཞི་གྲོལ་བའི་ཕྲིན་ལས་མཛད།། འཁོར་བའི་གནས་ནས་འདྲེན་པའི་ཕྲིན་ལས་མཛད།། སྡུག་བསྔལ་བདེ་བར་བྱེད་པའི་ཕྲིན་ལས
139a3 མཛད།། ཐམས་ཅད་སངས་རྒྱས་ཡིན་ཤེས་ཕྲིན་ལས་ཆེན་པོ་མཛད།། ཞི་རྒྱས་དབང་དྲག་ལྟ་བུ་འདི་ཡིན་ནོ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཀྱི་ཕྲིན་ལས་བསྟན་པའི་ལེའུ་སྟེ་ལྔ
139a4 པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་འདི་ཡེ་ནས་ཡོད་དམ་མེད།། ཅེས་ཞུས་པས། སྟོན་པས་འཁོར་ལ་བཀའ་སྩལ་པ།། སེམས་འདི་ཡེ་ནས་མེད་མོད
139a5 ཀྱང་།། མ་རིག་འགྱུ་བའི་རླུང་འདིས་འཁོར་འདས་གཉིས།། དཔེར་ན་ནམ་མཁའི་སྤྲིན་དང་མེ་ལོང་གཡའ།། གཞི་ལ་མེད་ཀྱང་ཤུགས་ལས་བྱུང་།། ཞེས་སོ།། དེ་ནས་འཁོར་གྱིས་ཡང་ཞུས་པས།། སེམས་དེ་ཡེ་ནས
139a6 ཡོད་ན་རྟག་པར་ཐལ།། ཡེ་ནས་མེད་ན་ཆད་པར་ཐལ།། རྟག་ཆད་མཐའ་འདི་གང་གིས་སེལ།། ཞེས་སྟོན་པ་ལ་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སེམས་ཉིད་གཞི་ལ་གཟུགས་སུ་གྲུབ་པ་མེད།། དེ
iiif viewer powered by OpenSeadragon
