| e-texts navigator |
| Wylie |
138b1 ཏན་མངའ།། སྣང་བ་རང་སར་གྲོལ་བའི་ཡོན་ཏན་མངའ།། རིག་པ་རང་རླག་བྱེད་པའི་ཡོན་ཏན་མངའ།། སེམས་ཉིད་མིང་མེད་རྟོགས་པའི་ཡོན་ཏན་མངའ།། ཇི་སྙེད་མ་ལུས་མཁྱེན་པའི་ཡོན་ཏན་མངའ།། ཇི་ལྟ་བ
138b2 བཞིན་མཁྱེན་པའི་ཡོན་ཏན་མངའ།། རྣམ་པ་ཐམས་ཅད་མཁྱེན་པའི་ཡོན་ཏན་མངའ།། མཆོག་མཁྱེན་པ་ཡི་ཡོན་ཏན་མངའ།། མ་སྤངས་གནས་སུ་དག་པའི་ཡོན་ཏན་མངའ།། མ་བསྒྲུབས་ཡོངས་སུ་གྲུབ་པའི་ཡོན
138b3 ཏན་མངའ།། འཁོར་བའི་འདམ་ནས་འདྲེན་པའི་ཡོན་ཏན་མངའ།། བུ་བཞིན་ཀུན་ལ་སྙོམས་པའི་ཡོན་ཏན་མངའ།། སྙིང་རྗེ་ཀུན་ལ་སྨན་མཛད་ཡོན་ཏན་མངའ།། སྡུག་བསྔལ་བདེ་བར་ཤེས་པའི་ཡོན་ཏན
138b4 མངའ།། ནམ་མཁའ་བཞིན་དུ་ཀུན་ལ་ཡོངས་སུ་ཁྱབ་པའི་ཡོན་ཏན་མངའ།། ཐམས་ཅད་མ་ལུས་སངས་རྒྱས་པར།། ཤེས་པ་སེམས་ཀྱི་ཡོན་ཏན་ཡིན།། ཞེས་གསུངས་སོ།། ནམ་མཁའ་འབར་བའི་རྒྱུད
138b5 ལས།། སེམས་ཀྱི་ཡོན་ཏན་བསྟན་པའི་ལེའུ་སྟེ་བཞི་པའོ།། །། དེ་ནས་རང་བྱུང་དང་དངས་ཀྱིས།། མིང་མེད་ཀུན་གྲོལ་སྟོན་པ་ལ། སེམས་ཀྱི་ཕྲིན་ལས་ཇི་ལྟར་མཛད།། ཅེས་ཞུས་པས།། སྟོན་པས་འཁོར་ལ
138b6 བཀའ་སྩལ་པ།། སེམས་ཀྱི་ཕྲིན་ལས་མཛད་ལུགས་བསམ་མི་ཁྱབ།། རེ་ཞིག་ཕྲིན་ལས་མཛད་ལུགས་བསྟན་པ་ནི།། མ་རིག་མུན་པ་སེལ་བའི་ཕྲིན་ལས་བྱེད།། གཏི་མུག་བག་ཆགས་སེལ་བའི་ཕྲིན་ལས་བྱེད།། སྒྲིབ
iiif viewer powered by OpenSeadragon
