| e-texts navigator |
| Wylie |
138a1 གསལ།། སེམས་ཀྱི་ངོ་བོ་ཡན་ལག་ལྔ་རུ་གསལ།། སེམས་ཀྱི་ངོ་བོ་གཟུགས་ལྔ་ཡུལ་ལྔར་གསལ།། སེམས་ཀྱི་ངོ་བོ་རྣམ་ཤེས་ཚོགས་བརྒྱད་གསལ།། སེམས་ཀྱི་ངོ་བོ་དབང་པོ་ལྔ་དང་ཡིད་ལྔར
138a2 གསལ།། སེམས་ཀྱི་ངོ་བོ་ཡུལ་གྲོལ་རིག། སེམས་དེ་གསལ་དག་ཀློང་དུ་དག། ཅེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཀྱི་ངོ་བོ་གསལ་བའི་ལེའུ་སྟེ་གསུམ་པའོ།། །། དེ་ནས་རང་བྱུང་དང
138a3 དངས་ཀྱིས།། མིང་མེད་ཀུན་གྲོལ་སྟོན་པ་ལ།། སེམས་ལ་ཡོན་ཏན་ཇི་ལྟར་མངའ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སེམས་ཀྱི་ཡོན་ཏན་བསྟན་པ་ནི།། ཡིད་བཞིན་ནོར་ལས་དགོས་འདོད
138a4 འབྱུང་བ་བཞིན།། སེམས་ལ་ཡོན་ཏན་འབྱུང་ལུགས་བསམ་མི་ཁྱབ།། ཡོན་ཏན་རྣམ་གྲངས་བཤད་པས་མི་ལངས་ཏེ།། རེ་ཞིག་བསྡུས་ཏེ་ཡོན་ཏན་འདི་ལྟར་བཤད།། མ་རིག་ཡེ་ཤེས་གསལ་བར་བྱེད་པའི་ཡོན་ཏན
138a5 མངའ།། དུག་གསུམ་སྐུ་གསུམ་བསྒྱུར་བའི་ཡོན་ཏན་མངའ།། དུག་ལྔ་ཡེ་ཤེས་བསྒྱུར་བའི་ཡོན་ཏན་ཡོད།། སེམས་ཅན་སངས་རྒྱས་བསྒྱུར་བའི་ཡོན་ཏན་མངའ།། འཁོར་བ་མྱང་འདས་བསྒྱུར་བའི་ཡོན་ཏན
138a6 མངའ།། རིགས་དྲུག་གཡང་ས་གཅོད་པའི་ཡོན་ཏན་མངའ།། ཁམས་གསུམ་ཞིང་ཁམས་བསྒྱུར་བའི་ཡོན་ཏན་མངའ།། ཉོན་མོངས་ཕྱགས་མས་འདེབས་པའི་ཡོན་ཏན་མངའ།། རྣམ་རྟོག་ཆོས་སྐུར་བསྒྱུར་བའི་ཡོན
iiif viewer powered by OpenSeadragon
