| e-texts navigator |
| Wylie |
137b1 འགྱུར་མེད་པ་ཡིན།། རང་བཞིན་ཅི་ཡང་མེད་པ་ཡིན།། རང་བཞིན་དངོས་པོ་མེད་པ་ཡིན།། སེམས་ལ་དཔེ་མེད་ཟླ་མེད་དོ་ཡང་མེད།། སེམས་ཀྱི་རང་བཞིན་གནས་ལུགས་ནི།། སྟོང་གསལ་དངོས་མེད་ཁ་དོག
137b2 དབྱིབས་དང་བྲལ།། སྐྱེ་མེད་ཀ་དག་ཕྱོགས་མེད་མུ་མཐའ་ཡས།། དངོས་མེད་ཟང་ཀ་གཏད་མེད་གཏིང་མཐའ་ཡས།། ཐིག་ལེ་ཆེན་པོ་མིང་མེད་བློ་འདས་ཏེ།། མིང་མེད་མཐའ་སྟོངས་སྣ་ཚོགས་ཀུན་གྱི་གཞི།། རྣམ
137b3 པ་ཀུན་ལྡན་གང་དུའང་གྲུབ་པ་མེད།། དེས་ན་ཀུན་འདས་བློ་ཡི་སྤྱོད་ཡུལ་གྲོལ།། ཞེས་གསུངས་སོ།། ནམ་མཁའ་འབར་བའི་རྒྱུད་ལས། སེམས་ཀྱི་རང་བཞིན་བསྟན་པའི་ལེའུ་སྟེ་གཉིས་པའོ།། །། དེ་ནས་རང
137b4 བྱུང་རང་གྲོལ་གྱིས།། མིང་མེད་སྟོན་པ་ཀུན་གྲོལ་ལ།། སེམས་ཀྱི་ངོ་བོ་ཇི་ལྟར་གསལ།། ཞེས་ཞུས་པ་དང་། སྟོན་པས་འཁོར་ལ་བཀའ་སྩལ་པ།། སེམས་ཀྱི་ངོ་བོ་གསལ་བར་བསྟན་པ་ནི།། སེམས་ཀྱི་ངོ་བོ་ཀ་དག
137b5 འོད་གསལ་ཡིན།། སེམས་ཀྱི་ངོ་བོ་གསལ་དག་ཡིན།། སེམས་ཀྱི་ངོ་བོ་གཏིང་གསལ་ཡིན།། སེམས་ཀྱི་ངོ་བོ་ཁོང་ནས་གསལ།། སེམས་ཀྱི་ངོ་བོ་མཁའ་གསལ་ཡིན།། སེམས་ཀྱི་ངོ་བོ་འོད་དུ་གསལ།། སེམས་ཀྱི་ངོ
137b6 བོ་རྩལ་དུ་གསལ།། སེམས་ཀྱི་ངོ་བོ་ཟེར་དུ་གསལ།། སེམས་ཀྱི་ངོ་བོ་རོལ་པར་གསལ།། སེམས་ཀྱི་ངོ་བོ་སྣང་བར་གསལ།། སེམས་ཀྱི་ངོ་བོ་དབང་པོ་ལྔ་རུ་གསལ།། སེམས་ཀྱི་ངོ་བོ་དོན་སྙིང་ལྔ་རུ
iiif viewer powered by OpenSeadragon
