| e-texts navigator |
| Wylie |
137a1 ཤེས་ངོ་བོ་གཅིག་མི་གཅིག། མི་གཅིག་འབྲེལ་པ་མེད་ལགས་སམ།། འཁོར་འདས་གཉིས་ཀྱི་གྱེས་མདོ་གང་ཙམ་ལགས།། བློས་བཏགས་ཆོས་རྣམས་ཡོད་དམ་མེད།། བྱར་མེད་བློ་འདས་གང་ལ
137a2 ཟེར།། བློ་འདས་ཞེས་པ་ཚིག་གིས་བཏགས་མི་བཏགས།། བཏགས་ན་བློས་བཏགས་ཆོས་དང་ཁྱད་པར་ཅང་ཡོད་དམ།། མ་བཏགས་ཟེར་ན་བློས་བཏགས་གང་ནས་བྱུང་།། སྣང་བཏགས་ཆོས་རྣམས་གང་དུ
137a3 བསྡུ།། ཆོས་མེད་བློ་ཟད་མཐའ་རུ་གང་དུ་བསྐྱལ།། དངོས་པོའི་ཆོས་རྣམས་ལ་བཟླ་ཇི་ལྟར་ལགས།། ཞེས་ཞུ་ཚིག་བཞི་བཅུ་རྩ་གཉིས་པོ་བདག་ཅག་འདུས་པའི་འཁོར་རྣམས་ལ་ཤིན་ཏུ་ཟབ་པར་གསུང་དུ
137a4 གསོལ།། ཞེས་ཞུ་བ་ཕུལ་ལོ།། ནམ་མཁའ་འབར་བའི་རྒྱུད་ལས། གླིང་གཞི་ཕུན་སུམ་ཚོགས་པ་དང་། འཁོར་གྱིས་གླེང་སློང་ཞུས་པའི་ལེའུ་སྟེ་དང་པའོ།། །། དེ་ནས་རང་བྱུང་དང་དངས་ཀྱིས། སྟོན་པའི་རྒྱལ་པོ
137a5 མིང་མེད་ཀུན་གྲོལ་ལ།། སེམས་ཀྱི་རང་བཞིན་ཇི་ལྟར་གནས།། ཞེས་ཞུས་པ་དང་།། སྟོན་པས་འཁོར་ལ་བཀའ་སྩལ་པ།། སེམས་ཀྱི་རང་བཞིན་བསྟན་ཏུ་མ་མཆིས་ཏེ།། འཁོར་གྱིས་རྟོག་པ་སེལ་བའི་ཕྱིར།། མུན
137a6 ཁུང་གསེར་སྒྲོམ་ལྟ་བུར་བཤད།། འཁོར་རྣམས་མ་ཡེང་གུས་པས་ཉོན།། སེམས་ཀྱི་རང་བཞིན་གནས་ལུགས་བསྟན་པ་ནི།། རང་བཞིན་སྟོང་པ་ལྷུན་གྲུབ་ཡིན།། རང་བཞིན་རྒྱུ་རྐྱེན་མེད་པ་ཡིན།། རང་བཞིན་འཕོ
iiif viewer powered by OpenSeadragon
