| e-texts navigator |
| Wylie |
134a1 ཡོངས་སུ་བསྟན་པ་དང་། བསྟོད་པ་ཕུལ་བའི་ལེའུ་སྟེ་བརྒྱ་དང་ཉི་ཤུ་རྩ་གཉིས་པའོ།། །། དེ་ནས་ཡང་རྡོ་རྗེ་འཆང་གིས་གསུངས་པ།། ང་ཡི་སྤྲོས་བྲལ་དོན་གསལ་རྒྱུད་ཆེན་འདི།། བསྟན་པས
134a2 ཤེས་ཤིང་བཀླགས་པས་གོ་བ་སྟེ།། ད་ལྟ་རང་ངོ་རང་གི་ཤེས་ཏེ་དུས་གསུམ་འགྱུར་བ་མེད།། རིག་པ་ཆོས་སྐུ་ཤེས་ཤིང་སྣང་བ་ཆོས་ཀྱི་དབྱིངས་སུ་ཤེས།། གཉིས་མེད་དོན་ཆེན་རྒྱུད་ལ་གསལ་བ་ཡིས།། སྙིང་པོའི
134a3 གཞི་རྩ་ཆོད་པས་འཁོར་བའི་གཡང་སར་ལྷུང་མི་སྲིད།། དགོས་འདོད་རེ་བ་བསྐང་མཛད་ནོར་བུ་རིན་ཆེན་ལྟ་བུ་ཡི།། རྩ་རྒྱུད་བཤད་རྒྱུད་མན་ངག་རྒྱུད་དུ་བསྟན་པ་འདིས།། སྣོད་ངན་དམ་ཚིག་མེད་པ་རྣམས་ལ་ཤོར
134a4 སྲིད་དོ།། སློབ་དཔོན་གསང་ནས་རང་ཆེ་འབྱིན་པ་རྣམས་ལ་ཤོར་སྲིད་དོ།། རང་གིས་ནོར་མ་ཤོར་བར་གདམས་ངག་འདོད་པ་རྣམས་ལ་ཤོར་སྲིད་དོ།། འཇུར་བུ་རང་འདོད་ཅན་གྱི་མི་ལ་ཤོར་སྲིད་དོ།། ཁ་གསགས
134a5 གཡོ་སྒྱུ་ཅན་གྱི་མི་ལ་ཤོར་སྲིད་དོ།། ཟོག་པོ་རྫུན་པོ་ཆེ་ཡི་མི་ལ་ཤོར་སྲིད་དོ།། མཐར་ཟུག་ལ་ཟློའི་ཆོས་ལ་མོས་པ་མི་བྱེད་དང་།། རྡོ་རྗེ་སློབ་དཔོན་གཉེན་པར་མི་སེམས་དང་།། ལུས་ཀྱི་སྒོ་ནས་དམ་ཚིག་མི་བསྲུང
134a6 བར།། བཀུར་སྟི་རིམ་གྲོལ་ཞབས་ཏོག་མི་བྱད་དང་།། ངག་གི་སྒོ་ནས་དམ་ཚིག་མི་བསྲུང་བར།། སྙན་པར་མི་སྨྲ་སློབ་དཔོན་མིང་ནས་འབོད།། ཡིད་ཀྱི་སྒོ་ནས་དམ་ཚིག་མི་བསྲུང་བར།། མོས་གུས་ཆུང་ཞིང་གདུང
iiif viewer powered by OpenSeadragon
