| e-texts navigator |
| Wylie |
133b1 བཅད།། མན་ངག་རྒྱུད་སྒྲོག་ཆེན་པོ་རྒྱུད་འདིས་ཁྲོལ།། སྐུ་གསུམ་ཡོངས་རྫོགས་རྒྱུད་འདིས་ཐོབ།། ཡེ་ཤེས་རྣམ་ལྔ་རྒྱུད་འདིས་ཤར།། མ་མཐོང་ཡུལ་ཆེན་རྒྱུད་འདིས་མཐོང་།། མ་མཇལ་ཞལ་ཆེན་རྒྱུད་འདིས
133b2 མཛལ།། མ་ཐོས་གཏམ་ཆེན་རྒྱུད་འདིས་ཐོས།། འབྱུང་བ་མ་ལ་རྒྱུད་འདིས་ཞ།། གྲོལ་ཞིང་ཐིམ་པ་རྒྱུད་འདིས་བྱས།། འཁོར་བའི་ལ་ལས་རྒྱུད་འདིས་བཟླས།། རྩོལ་མེད་འབྲས་བུ་རྒྱུད་འདིས་ཐོབ།། ཀྱེ་ཀྱེ
133b3 བཅོམ་ལྡན་རྡོ་རྗེ་འཆང་ཆེན་པོ།། དགོས་འདོད་རེ་སྐོང་ནོར་བུ་རིན་ཆེན་ལྟ་བུ་ཁྱོད་ལ་བསྟོད།། མ་རིག་མུན་པ་སེལ་མཛད་ཉི་མ་ལྟ་བུ་ཁྱོད་ལ་བསྟོད།། འཁོར་བའི་བག་ཆགས་བསྲེག་མཛད་མེ་དཔུང་ལྟ་བུ་ཁྱོད་ལ
133b4 བསྟོད།། ཉོན་མོངས་དྲི་མ་འཁྲུད་མཛད་ཆུ་བོ་ལྟ་བུ་ཁྱོད་ལ་བསྟོད།། རང་གསལ་དོན་ཉིད་གསལ་མཛད་མེ་ལོང་ལྟ་བུ་ཁྱོད་ལ་བསྟོད།། རྣམ་དག་དོན་ཆེན་སྟོན་མཛད་མན་ཤེལ་ལྟ་བུ་ཁྱོད་ལ་བསྟོད།། སྐྱོན་གྱིས་མ
133b5 གོས་སྟོན་མཛད་པད་མ་ལྟ་བུ་ཁྱོད་ལ་བསྟོད།། ཚེགས་ཆུང་དོན་ཆེན་དོན་མཛད་མན་ངག་ལྟ་བུ་ཁྱོད་ལ་བསྟོད།། འཁོར་བའི་གཡུལ་ངོ་བཟློག་མཛད་དཔའ་བོ་ལྟ་བུ་ཁྱོད་ལ་བསྟོད།། འཁོར་བའི་གཅོང་རྙིང་འདོན
133b6 ཛད་སྨན་པ་ལྟ་བུ་ཁྱོད་ལ་བསྟོད།། འགྲོ་དྲུག་བདེ་བར་སྒྲོལ་མཛད་ཐུགས་རྗེའི་བདག་པོ་ཁྱོད་ལ་བསྟོད།། ཅེས་གསང་བའི་བདག་པོས་བསྟོད་དོ།། སྤྲོས་བྲལ་དོན་གསལ་ཆེན་པོའི་རྒྱུད་ལས།། རྒྱུད་ཀྱི་མཚན
iiif viewer powered by OpenSeadragon
